Қазақстан – Грузия: ынтымақтастықтың жаңа көкжиектері!

"Georgian Industrial Group" компаниясының грузиндік инвесторлары ҚР-да екі ірі жобаны жүзеге асыруда.

Отандық компаниялар грузин серіктестерімен ауыл шаруашылығы және машина жасау саласындағы жаңа бірлескен жобаларды жариялады.

"АгроТехМенеджмент" ЖШС және "GEORGIAN INDUSTRIAL Group Ltd" ЖШС Көкшетау қаласында ауыл шаруашылығы және арнайы техника өндіру жобасын жариялады.

Жобаның құны 30 млн долларды құрайды, 150-ден астам жұмыс орнын құру көзделіп отыр.

Жоба жылына 3 000 бірлік көлемінде қуаты 40-тан 220 а.к. дейінгі әртүрлі модельдегі тракторларды өнеркәсіптік құрастыру үшін өндірістік қуаттарды құруды, ауыл шаруашылығы және арнайы техниканың басқа түрлерін өндіру үшін қуаттарды пайдалануды көздейді.

Сонымен қатар, "Georgian Industrial Group" ЖШҚ мен "Sanadian Chicken ltd" ЖК  арасында меморандумға қол қойылды.

Тараптар қуаттылығы жылына 120 000 тоннаға дейінгі құрама жем зауытын және қуаттылығы жылына 50 000 тонна құс мяса құрайтын құс фабрикасын салу жөніндегі жобаны іске асыруға ниетті. Құрама жем зауытына инвестиция сомасы-4,7 млрд теңге, оның ішінде миллиардтан астамын инвестор салады.

Бүгінгі таңда Көкшетау қаласының аумағында құрама жем зауытының құрылысы жүріп жатыр. Құс фабрикасын салу үшін инвестиция сомасы 14,3 млрд теңгені құрайды. Оның 6,3 млрд теңгесі - "Georgian Industrial Group" ЖШҚ инвестициясы. Қазіргі уақытта жобалық құжаттама әзірленуде.

Айта кетсек, "GEORGIAN INDUSTRIAL Group Ltd" ЖШҚ Грузиядағы ең ірі өнеркәсіптік топтардың бірі болып табылады. Жылдық сатылымның жалпы көлемі - 160 миллион АҚШ доллары.

• 02.07.2023
• 168