Ақмола облысында марганецті өндіру бойынша зауыт пайда болады

Степногорск қаласы бойынша жұмыс сапары барысында Ақмола облысының әкімі Ермек Маржықпаев "SARECO" ЖШС-де болды.

Кәсіпорын сирек жер металдарының ұжымдық концентраттарын (TREO), сульфоаммофосфаттарды өңдеумен айналысады.

Директор Владимир Федотовтың айтуынша, қара және түсті металлургияны балқытуда, сондай-ақ электромобильдер мен жел электр станцияларының аккумуляторлық батареяларын (литий, ион) өндіруде қолданылатын электролиттік марганец пен жоғары таза марганец сульфатын өндіру бойынша инвестициялық жобаны іске асыру басталды.

«Бұл марганец сульфатын өндірудің соңғы бөлімі. Шикізат екі кезеңде өңделеді. Бүгінгі таңда тек Қытайда өндірілетін электролиттік марганец өндіруден немесе қазақстандық кен концентраттарын өңдеуден бастауды жоспарлап отырмыз», - деді «SARECO» ЖШС директоры.

Айта кетейік, 2023 жылы 1-ші кезең - өндірістік қуаты жылына
7,5 мың тоннаға дейін электролиттік марганец өндірісі іске асырылып, 30 жұмыс орны ашылды. Бүгінде құрылыс-монтаждау жұмыстары жүргізілуде, дайындық 70% құрайды.

Кәсіпорын осы жылдың қараша айында пайдалануға беріледі.

Марганец сульфатын өндіру-бірегей жоба. Бүгінгі таңда әлемде бұл өндіріс тек ҚХР-да бар.

Кәсіпорынмен танысқан Ермек Маржықпаев табыс тілеп, облыс үшін осындай инновациялық жобалардың қажеттігін атап өтті.

• 02.07.2023
• 201