ҚР Энергетика вице-министрі «Ұлттық индустриялық мұнай-химия технопаркі» АЭА зауыттарында болды

2023 жылғы 1 шілдеде ҚР Энергетика вице-министрі Асхат Хасенов жұмыс сапарымен Атырау облысында болды.

Сапар барысында Асхат Хасенов «Ұлттық индустриялық мұнай-химия технопаркі» АЭА-да болып, онда полипропилен өндіру зауытын («KPI» ЖШС) жоспарлы тоқтатып жөндеу шеңберінде жүргізіліп жатқан жұмыстармен, сондай-ақ экономикалық аймақтың болашақ жобалары үшін қолданыстағы және жоспарланып отырған инфрақұрылым объектілерімен танысты.

Сонымен қатар, ҚР Энергетика вице-министрі Асхат Хасенов «GPC Investment» ЖШС компаниясы іске асырып жатқан қуаттылығы 1,15 млрд.текше метр газды қайта өңдеу зауытын салу жобасына және «ҚМГ Инжиниринг» ЖШС зертханалық кешеніне барып, жынысөзек және флюидтерді зерттеу зертханасының, кәсіпшілік химияның, геохимиялық зертхананың және сутегі энергетикасы қызметімен танысты.

Сапар қорытындысы бойынша проблемалық мәселелер белгіленіп, одан әрі бірінші кезектегі әрекеттер айқындалды.

• 03.07.2023
• 130