ҚР энергетика вице-министрі Астана қ. ЖЭО-сын жылыту маусымына дайындау бойынша үйлестіру штабының отырысын өткізді

Алдағы жылыту маусымына дайындық жөніндегі үйлестіру штабының жұмысы аясында ҚР энергетика вице-министрі Жандос Нұрмағанбетов «Астана-Энергия» АҚ ЖЭО-да болды.

Салынып жатқан ЖЭО-3-ке бару кезінде жұмыс барысына шолу жүргізді. Мәселен, сорғы станциясында желілік су құбырларын гидравликалық сынау жүргізілген, жылу оқшаулауын жағу аяқталып жатыр. Химиялық су тазарту учаскесінде іске қосу-баптау жұмыстарын жүргізуге дайын монтаждалған жабдық қаралды. Жедел персонал тиек арматурасына диспетчерлік атаулар енгізуде, өндірістік нұсқаулықтар әзірлеп жатыр. Шілде айының ортасында теміржол учаскесінде химиялық реагенттер мен мазутты ЖЭО-ға жеткізу үшін жолдың жетіспейтін учаскесін монтаждау басталады. Қазандық цехында жылу оқшаулауын жағуға дайындық үшін энергетикалық қазандықты газ-ауамен сығымдау жүргізіліп жатыр. Шілде айының ортасынан бастап су жылыту қазандықтарының тартқыш тетіктерінің Siemens жиілік түрлендіргіштерін баптау жоспарланып отыр. Осыдан кейін қазандықтардың тығыздығына ауа сынақтары мен гидравликалық сынақтар жүргізіледі. Тамыз айының ортасында қазандық жабдықтары үшін жетіспейтін Emerson ӨБҚжәнеА жабдықтары жеткізіледі деп күтіліп отыр. Техникалық суағарды кейіннен сығымдау үшін кезең-кезеңімен (5 учаскенің 3-і) толтыру жүргізіліп жатыр.

Күл үйіндісінде «Центрказэнергомонтаж» АҚ мердігер ұйымының басшылығы күл үйіндісінің №2 жаңа секциясын салу барысы туралы баяндады. Бөгет салу және күл мен тазартылған су құбырларын төсеу жүргізіліп жатыр.

ЖЭО-2-де штаб қатысушылары №1 және 2 турбиналардың, сондай-ақ №3 және 4 қазандықтардың жөндеу алаңдарын аралады. №1 және 2 турбиналарды жөндеу жұмыстары жүріп жатыр. Қазандық цехында №3 қазандықты жөндеу жұмыстары аяқталып қалды. Сондай-ақ жылыту кезеңі басталғанға дейін негізгі және резервтік отынды жинақтау жоспары ұсынылды.

Кеңес қорытындысы бойынша энергетикалық қадағалау комитетінің аумақтық департаментіне елорданың энергия көздеріндегі жөндеу жұмыстарының барысын бақылауда ұстау тапсырылды.

• 03.07.2023
• 129