2023 жылы Ақтөбе облысында өзін-өзі жұмыспен қамтыған және жұмыссыз 53 000 адам жұмыспен қамту шараларына тартылады

Жыл басынан бері өңірде 21 110 азамат жұмысқа орналастырылды. Оның ішінде қысқа мерзім ішінде 284 адам кәсіптік оқуға жіберілсе, «Бастау Бизнес» жобасымен 4 340 ақтөбелік кәсіпкерлік негіздерін үйренді. Электрондық еңбек биржасы порталы арқылы еңбек нарығында сұранысқа ие дағдылар бойынша 1 383 адам оқытылды.

Әлеуметтік жұмыс орындарына өңірдің 1 311 тұрғыны жұмысқа орналастырылды, жастар практикасына 279, қоғамдық жұмыстарға - 4 464 адам жіберілді. «Күміс жас» жобасы аясында 702 адам жұмысқа орналасты.

Өңірде кәсіпкерлікті дамытуға белсенділік жоғары: 354 адам жаңа бизнес идеяларды іске асыруға қайтарымсыз мемлекеттік гранттар алды, 123 адам жастарға арналған 2,5% жеңілдікпен несие беру бағдарламасын пайдаланған.

«Ауыл аманаты» жобасы аясында жүздеген ауыл тұрғыны өз ісін ашып, отбасыларын тұрақты табыспен қамтамасыз етті. Жобаны іске асыру басталғалы бері Ақтөбе облысының бес ауылында жұмыссыздық толығымен жойылды.

Жалпы, облыстағы жалпы жұмыссыздық деңгейі 4,8%, жастар арасындағы жұмыссыздық 3,6%-ды құрады.

Халықты жұмыспен қамту шаралары әлі де жалғаса бермек.

• 05.07.2023
• 162