Құрметті қазақстандықтар! 16 желтоқсанда Қазақстанда басты ұлттық мереке – Тәуелсіздік күні атап өтіледі.

16 желтоқсанда Қазақстанда басты ұлттық мереке – Тәуелсіздік күні атап өтіледі.

29 жылдың ішінде Қазақстан басқа мемлекеттер ғасырлар бойы өткен жолдан өтті.

Қазақстан Республикасының дамуы мемлекеттік қызметтің басты мақсаттарымен айқындалады. Президент өзінің Қазақстан халқына жыл сайынғы Жолдауында негізгі жетістіктер мен мақсаттарды атап өтеді.

Елдің қазіргі заманғы жетістіктері – бұл болашақ ұрпақтың мұрасы, ХХІ ғасырда қуатты, тәуелсіз және серпінді дамып келе жатқан Қазақстанды құрудың сенімді негізі.

Биыл экологиялық қызметке 32 жыл болды.

Қазақстан ТМД елдерінің арасында алғашқылардың бірі болып Экологиялық Кодексті әзірледі, ол қолайлы қоршаған ортаны қамтамасыз ету жөніндегі заңнамалық шаралардың негізін қалады.

Бүгінде, Министрлік экологиялық заңнаманы өзектендіру бойынша үлкен жұмыстар жүргізуде.

Қазіргі уақытта, Министрлік әзірлеген жаңа Экологиялық кодекстің жобасын Қазақстан Республикасы Парламентінің Мәжілісі мақұлдады және Парламент Сенатына келісуге жіберілді.

Жаңа Экологиялық кодекске көптеген экологиялық реформалар енгізілген: реттеу мәселелері қайта қаралуда, ОҚТ, КЭР, ремидиация сияқты жаңа тетіктер енгізілуде. Экологиялық төлемдер тек экологиялық шараларға ғана түсуі керек.

Биыл желтоқсан айында, біз Экологиялық кодекске қол қойып, келесі жылы қажетті заңға тәуелді актілерді бекітуді жоспарлап отырмыз.

Биылғы жылдың ең басты жетістігі – қоғаммен байланыс пен ашық диалог орнату. Министрлік алдағы уақытта да волонтерлермен, мүдделі мемлекеттік органдармен, экобелсенділермен және ҮЕҰ-мен тығыз байланыста жұмыс жасауға ниетті.

Ел Президенті елдегі экологиялық жағдайды тұрақтандыру бойынша нақты міндеттер қойды, біз барлығымыз халқымыздың денсаулығына, атмосфералық ауаның, су және жер ресурстарының жағдайына мүдделіміз.

Алдағы уақытта, республиканың экологиялық жағдайын жақсарту бойынша үлкен жұмыстар күтіп тұр. Бірлескен күш-жігеріміздің арқасында, біз республиканың өңірлерінде ластану деңгейін төмендете аламыз деп үміттенемін.

Тәуелсіздік күні қарсаңында, баршаңызды шын жүректен құттықтаймын! Үйіңізге амандық пен бейбітшілік, істеріңізге гүлдену мен өркендеу, сәттілік тілеймін және кез келген бастамаларыңызға жемісті табыстар тілеймін!

Құрметпен, Төраға

Зулфухар Жолдасов

• 15.12.2020
• 544