Степногорск қаласында ұлттық спорт түрлері бойынша облыстық спартакиаданың жеңімпаздары анықталды

Степногорск қаласында ұлттық және халықтық спорт түрлері бойынша «Құлагер» спартакиадасы өтті.

Мыңнан астам ақмолалықтар көкпар, қазақ күресі, армрестлинг, гір спорты, тоғызқұмалақ, асық ату, қалалық спорт, аударыспақ, теңге ілу, жамбы ату және бәйге сияқты спорт түрлерінен бақ сынасты. Барлық командалар жақсы дайындық көрсетті.

Жарыс қорытындысы бойынша қалалар арасында спорттың 11 түрінен Степногорск қаласының командасы сенімді жеңіске жетті. Екінші орында - Көкшетаудан келген спортшылар, Атбасар қаласының өкілдері қола жүлдегерлер атанды.

Аудандар арасында Ерейментау ауданының командасы чемпион атанды. Олардың артында Целиноград ауданының спортшылары тұрды. Зеренді ауданының командасы қола медаль иегері атанды.

Спорттық іс-шараның жеңімпаздары мен жүлдегерлерін Ақмола облысы дене шынықтыру және спорт басқармасының басшысы Әсет Букубаев құттықтады.

«Тәуелсіздік жылдары Степногорск қаласында алғаш рет осы спартакиаданы өткізді. Бүгінгі таңда ұлттық спорт түрлері басқалардың арасында басым. Олар халықаралық аренада қазақ халқының рухы мен тарихын көрсететін тартымды турнирлердің арқасында танымал. Ақмолалық спортшылардан беделді халықаралық жарыстардың көптеген чемпиондары мен жүлдегерлері өсетініне сенімдімін", - деді ведомство басшысы.

Айта кетейік, өңірде ұлттық спорт түрлерін дамытуға ерекше көңіл бөлінеді. Көкшетауда Балуан Шолақ атыңдағы ұлттық спорт түрлері бойынша облыстық балалар мен жасөспірімдер спорт мектебі және облыс өңірлерінде филиалдары жұмыс істейді.

• 07.07.2023
• 202