Көкшетау қаласында Ұлттық домбыра күніне арналған «Домбыра» атты флешмоб өткізілді

Мереке қарсаңында Көкшетауда облыстық халық шығармашылығы және мәдени демалыс орталығымен Домбыра күніне және қазақтың күйші-композиторы Құрманғазы Сағырбайұлының 205 жылдығына арналған «Күмбірлеген күміс күй» атты байқау өтті.

Байқауға Ақкөл, Астрахан, Атбасар, Бұланды, Бурабай, Жақсы, Зеренді, Қорғалжын, Шортанды аудандары мен Степногорск, Қосшы және Көкшетау қалаларынан 18-35 жас аралығындағы 20-дан астам күйші қатысты.

Абылай хан» алаңында Ұлттық домбыра күніне орай аталып өткен «Домбыра» атты флеш-моб 1,5 мыңға өнерпаздарды біріктірді. Кәсіби Ақмола домбырашылары К.Күмісбеков атындағы қазақ ұлттық аспаптар оркестрімен, Үкілі Ыбырай атындағы Ақмола облыстық филармониясының, Көкшетау қаласының Біржан Сал атындағы музыкалық колледжі, Ақан Сері атындағы жоғары мәдениет колледжінің, қала мектептерінің, Ақкөл, Аршалы, Бурабай, Атбасар, Егіндікөл, Жақсы, Целиноград, Сандықтау, Қорғалжын, Бұланды, Шортанды, Зеренді аудандары мен Көкшетау, Қосшы қаласының бірлескен домбырашылар ансамблі мен күй мектебінің шәкірттері бірлесіп, қазақ халық композиторларының күйлерін бір мезетте орындады.

Ауқымды өнер мерекесіне Көкшетау, Қосшы, Қоянды  Өркендеу елді мекендерінің мемлекеттік шығармашылық тапсырыс аясында қызмет көрсететін домбыра мектептері мен үйірмелері де белсенді ат салысты.

Ақмола облысы бойынша Ұлттық домбыра күніне орай 1000-нан астам іс-шаралар өткізілді.

• 07.07.2023
• 229