Облыстық мәслихаттың сессиясы Көкшетауда өтті

Ақмола облысының әкімі Ермек Маржықпаевтың қатысуымен облыстық мәслихаттың кезекті үшінші сессиясы өтті.

Сессияға облыстық депутаттар мен аудандық мәслихаттардың хатшылары, басқармалар мен департаменттердің басшылары, Қоғамдық кеңестің, БАҚ өкілдері қатысты.

Іс-шара барысында өңір басшысы 2022 жылға арналған облыстық бюджеттің атқарылуы туралы есеп берді.

Жалпы, мемлекеттік органдар 2022 жылға арналған облыстық бюджетті атқару бойынша үлкен жұмыс жүргізгені, барлық параметрлер бойынша жоспарлы көрсеткіштердің өсуімен оң динамика байқалғаны, бұл облыстың көптеген әлеуметтік-экономикалық проблемаларын шешуге мүмкіндік бергені атап өтілді.

Білім беру, денсаулық сақтау, сумен жабдықтау объектілерін, тұрғын үй-коммуналдық саланы, көлік инфрақұрылымын дамытуға, тұрғын үйлер салуға қаражат көзделген. Дамудың оң серпіні барлық салаларда қалыптасты, ол ағымдағы жылы да сақталып отыр.

Негізгі көрсеткіштерді орындау бойынша Ақмола облысы ел бөлінісінде екінші орында тұр, бұл Үкімет отырысында атап өтілді.

Қосымша баяндамашылар тексеру комиссиясының төрағасы Қанат Есмағамбетов, экономика және бюджет мәселелері жөніндегі тұрақты комиссияның төрағасы Марат Қойшыбаев болды.

Сонымен қатар, сессияда мәслихаттың бірнеше шешімдеріне, оның ішінде Ақмола облысы бойынша тексеру комиссиясының жұмыс регламентіне қатысты өзгерістер енгізілді, кадрлық өзгерістерге байланысты әкімдік жанындағы консультативтік-кеңесші органдардың жаңартылған дербес құрамы бекітілді.

Күн тәртібіндегі барлық мәселелер бойынша облыстық мәслихат депутаттары тиісті шешімдер қабылдады.

• 07.07.2023
• 253