Ақтөбе облысында 2025 жылға дейін 44 мектеп салынады

Ақтөбе облысында 2025 жылға дейін бір ауысымда 22,8 мың оқушыға арналған 44 жаңа мектеп салынады.

Оның ішінде 24 мектеп - Ақтөбе қаласында, қалғандары - Алға, Әйтеке би, Байғанин, Қобда, Темір, Ырғыз, Мәртөк, Шалқар және Мұғалжар аудандарында салынады.

Бұдан өзге, биылғы жылы 280, 200 және 150 орындық жұмыс істеп тұрған орта мектептерге қосымша 5 қосымша құрылыс жүргізілуде.

Айта кетейік, 44 жаңа мектептің 20-сы «Жайлы мектеп» ұлттық жобасы аясында бірыңғай стандартпен бой көтереді. Бұл қалада да, ауылдық жерлерде де дизайны мен жабдықталуы жағынан бірдей заманауи мектептер болмақ.  

Осы маңызды әлеуметтік жобалар іске асырылса, Ақтөбе облысындағы апатты және үшауысымды мектептер проблемасы толығымен жойылып, мектептердің жетіспеушілігі мен жұмыс істеп тұрған білім ордаларының шамадан тыс жүктелуі сияқты мәселелер шешіледі деп болжануда.

• 10.07.2023
• 172