12 шілдеде көмірсутектер бойынша жер қойнауын пайдалану құқығын беруге электрондық аукцион өтеді

2023 жылғы 12 шілдеде сағат 10:00-де электрондық аукциондар операторының сайтында: www.gosreestr.kz жер қойнауын пайдалану құқығын беруге электрондық аукцион өтеді, деп хабарлайды ҚР ЭМ Баспасөз қызметі.

2023 жылғы 25 сәуірде электрондық аукционға шығарылған 26 учаскенің 9 учаскесі бойынша аукцион 12 шілдеде өткізіледі, ал қалған 17 учаске бойынша «Жер қойнауы және жер қойнауын пайдалану туралы» Қазақстан Республикасы Кодексінің (Кодекс) нормаларына сәйкес қатысушылардың ең аз санының болмауына байланысты жер қойнауын пайдалану құқығын беру аукционы өткізілмейді.

Анықтама: 17 жер қойнауы учаскесінің 2 учаскесі (Оңтүстік Таған және Жантерек) бойынша Кодекстің 99-бабының 1-тармағына сәйкес, көмірсутектер бойынша жер қойнауын пайдалануға арналған келісімшарт жасалады, қол қою бонусының жалпы мөлшері  – 66,8 млн. теңгеге және барлау кезеңінде жер қойнауы учаскесіндегі жұмыс көлемдері мен түрлері бойынша ең төменгі талаптардың жиынтық бағалау құны – 11 млн. АҚШ доллары.

Аукционға шығарылатын 9 жер қойнауы учаскесі бойынша қол қою бонусының жалпы бастапқы мөлшері шамамен – 545,8 млн. теңгені құрайды. Көмірсутектерді барлауға және өндіруге жер қойнауын пайдалану құқығы берілетін 5 учаске бойынша - барлау кезеңінде жер қойнауы учаскесіндегі жұмыс көлемдері мен түрлері бойынша ең төменгі талаптардың бағалану құны 24 млн. АҚШ долларын құрайды.

Аукционның барысын Оператор, яғни «Ақпараттық-есептеу орталығы» АҚ, құрған жеке ашық аукцион залында кез келген адам бақылай алады:

https://e-auction.gosreestr.kz/p/ru/TrackerAuctionsInOneRoom.

• 11.07.2023
• 176