Көкшетауда жылыту маусымына дайындық мәселесі талқыланды

Ақмола облысының әкімі Ермек Маржықпаевтың төрағалығымен өткен отырыста жылу трассаларын, қазандықтарды және Степногорск ЖЭО жөндеу жұмыстарының барысы қаралды.

Ағымдағы жылы 1087 қазандық, 707 білім беру объектісін, 518 денсаулық сақтау объектісін және 2 630 тұрғын үйді дайындау және 60 км жылумен жабдықтау тораптарын жөндеу жұмыстары жүргізілуде.

«Бұл бәріміз бірге жан-жақты жүргізетін жұмыс. Өткен жылы біз жылыту маусымы қарсаңында жұмыстарды жасыру фактілеріне тап болдық. Басқарма басшылары, сіздер әкімдермен бірлесіп жұмыс істеулеріңіз керек, атап айтқанда, бұл әсіресе әлеуметтік салаларға қатысты. Бұл өте маңызды", - деді Ермек Маржықпаев.

Облыс әкімі артта қалған Жарқайың, Бурабай, Атбасар, Шортанды және Зеренді аудандарының әкімдеріне жөндеу жұмыстарын тездетуді тапсырды.

Облыс орталығы мен Степногорск ЖЭО қазандықтарында жөндеу жұмыстарын жүргізу барысына ерекше назар аудару қажет. Мердігерлер анықталды, құрылыс-монтаж жұмыстары жүргізілуде.

ҚР Премьер-Министрінің Бірінші орынбасары Роман Скляр осы қалаларды жылумен жабдықтау мәселелерін шешу жөніндегі іс-шаралар жоспарын бекітті. Осы мақсаттарға Үкімет резервінің қаражатынан 4,6 млрд. теңге сомасында қаражат бөлінді.

Мемлекет басшысының тапсырмасын орындау аясында жылумен жабдықтау объектілерін техникалық тексеру жұмыстары жүргізілуде. Осы мақсатқа 290 млн. теңге бөлінді.

Сонымен қатар, отырыста көтерілген мәселелердің бірі көмірмен қамтамасыз ету мәселесі болды. Жылыту маусымына халық үшін қажеттілік шамамен 1 млн. тоннаны құрайды. Коммуналдық-тұрмыстық сектордың қажеттілігі – 530 мың тонна. Бүгінгі таңда, жеткізілімдер бойынша шарттар жасасу бойынша жұмыс және уақытында сатып алу қажеттілігі туралы халықпен ақпараттық түсіндіру жұмыстары жүргізілуде.

Кеңес қорытындысы бойынша өңір басшысы энергетика және тұрғын үй-коммуналдық шаруашылық басқармасына аудандар мен қалалар әкімдіктерімен бірлесіп, жылу беру маусымына дайындықты, отынның нормативтік қорының болуын, штаттан тыс жағдайларға арналған қосалқы материалдардың, жабдықтардың, техниканың қажетті санын жасауды, жылумен жабдықтау объектілерінің, жылу көздері мен инженерлік желілердің алдағы жылыту маусымына толық дайындығын қамтамасыз етуді тапсырды.

• 12.07.2023
• 129