Үкіметте бизнес-климатты жақсарту шаралары талқыланды

Астана. Үкімет отырысы.

Өз сөзінде ҚР ҰЭМ басшысы Әлібек Қуантыров макроэкономикалық тұрақтылықтың негізі ретінде қолайлы бизнес-ахуалды құру – Үкіметтің басты міндеттерінің бірі болып табылатынын атап өтті. Ол бизнесті мемлекеттік қолдаудың нәтижелері туралы егжей-тегжейлі баяндап, кәсіпкерлерге қатысты жаңа реттеуші саясатты енгізу жұмыстары туралы айтты.

ШОК-тың 2022 жылғы даму қорытындылары

- Жұмыс істеп тұрған ШОК саны - 2 млн. кәсіпорын (бір жылдың ішінде +23,4%)

- ШОК-тағы жұмыспен қамтылғандар саны - 4,1 млн. адам (+18,2%)

- ШОК-тың ЖІӨ-дегі үлесі 33,3%-дан 36,5%-ға өсті.

- ШОК субъектілерінің өнім шығару көлемі 59 трлн. теңгені құрады (+28%).

Жаңа реттеуші саясат

10,1 мың талап базалық шарттарға сәйкес келмейді.

Заңға тәуелді деңгейдегі талаптардың 90%-ы жойылды.

қалған 10%-ы заңнамалық деңгейде жойылу барысында

Тәуекелдерді басқару жүйесін автоматтандыру

2022 жылы бақылаудың 35 саласы автоматтандырылды

Бақылаудың 35 саласы ағымдағы жыл соңына дейін автоматтандыру деңгейінде

2024 жылғы 1 қаңтардан бастап, адамның қатысуынсыз тексерулерді белгiлеу басталады (2023 жылдың соңында болатын ШОБ тексерулеріне мораторий аяқталғаннан кейін)

Жоспарланған бизнесті тексерулер 2 есеге қысқарады

Әкімшілік жауапкершілікке тартылған кәсіпкерлер саны айтарлықтай азаяды

ШОК-ты мемлекеттік қолдау

2022 жылы 1,3 трлн. теңгеге 46 мың жоба субсидияланып, кепілдендірілді. 136 мың консультациялық және 26 мыңнан астам сервистік қызметтер ұсынылды.

2023 жылдың 5 айында 586 млрд. теңгеге 10,2 мың жоба субсидияланып, кепілдендірілді. 65 мыңнан астам консультациялық және 12 мың сервистік қызмет ұсынылды.

А.ж. субсидиялауға және кепілдік беруге 266 млрд. теңгеден астам қаражат бөлінді (2022 жылмен салыстырғанда +96 млрд. теңге).

Әйелдер кәсіпкерлігін дамыту орталықтары арқылы қолдау

2023 жылғы бірінші жартыжылдықтың қорытындылары:

Проблемалар мен қажеттіліктерді анықтау бойынша 4 092 кеңес берілді

256 әйел кәсіпкерге халықаралық жобаларға қатысу бойынша сүйемелдеу көрсетілді

169 жергілікті өндірушілердің қатысуымен 7 көрме өткізілді

342 әйел тәлімгерлік қолдаумен қамтамасыз етілді

Салықтық ынталандыру шаралары

2023 жылғы 1 қаңтардан бастап бөлшек салық режимі мерзімсіз негізде 4% мөлшерінде табысы 2 млрд. теңгеге дейін, сондай-ақ, қызметінде саны 200 жұмыскерден аспайтын бизнеске енгізілді:

- Қызмет түрлерінің тізімі 116-дан 190-ға дейін кеңейтілді

- Бұл кәсіпорындар ҚҚС пен әлеуметтік салықтан босатылады

- Мөлшерлемені мәслихаттардың шешімі негізінде 2%-ға дейін төмендетуге болады

Микро- және шағын бизнес:

2023 жылғы 1 қаңтардан бастап, еңбекақы төлеу қорынан бірыңғай төлем енгізілді

Жалпы мөлшерлеме 34,5%-дан 20%-ға дейін азайтылды

Енді 6 төлемнің орнына 1 төлем болады

Жаңа Салық кодексі жобасын әзірлеу

- Салықтық әкімшілендіруді оңайлатуға және цифрландыруға ерекше назар аударылатын болады

- Салық міндеттемелері 1 млн. теңгеден аз болған кезде мүлік салығы мен жер салығы бойынша ағымдағы төлемдерді есептеудің күші жойылады

- Бизнес субъектілері үшін көлік салығы бойынша есептің және декларацияның күші жойылады

- Берешек өтелмеген жағдайда банктік шоттарды жаппау, тек берешек сомасы мөлшерінде инкассалық өкімдер қою ұсынылады

- Тәуекелдерді басқарудың жаңа жүйесі негізінде тексерулер тағайындау ұсынылады

- Салық төлеушімен өзара іс-қимыл тек салық төлеушінің кабинеті арқылы жасалады

- Платформалық жұмыспен қамтуды әкімшілендіруде жаңа тәсіл көзделеді

- ККА деректері, POS терминалдары және банк шоттары арқылы айналымдар негізінде декларацияларды алдын ала толтыру тетігін енгізу ұсынылады

- Электрондық сауда кезінде платформа ұстаушысының салықты ұстап қалуы ұсынылады

«Бизнес ахуалды жақсарту бойынша жұмыс тұрақты негізде жүргізілуде. Орта мерзімді перспективада 2030 жылға қарай Қазақстан экономикасындағы ШОК үлесінің нысаналы индикаторына 40%-ға қол жеткізу міндеті қойылды», - деді министр.

• 12.07.2023
• 111