Ақтөбе облысында жылыжай саны артуда

Ақтөбе облысының әкімі Ералы Тоғжанов Алға ауданына жұмыс сапарымен барды. 

Үшқұдық ауылында өңір басшысы ауыл тұрғындарының табысын арттыруға бағытталған «Ауыл аманаты» жобасы аясында облыс аумағында салынып жатқан жылыжайлардың біріне барды.

Нұрзада Жапарова ауданы 160 шаршы метр жылыжай салу үшін 7,5 млн теңге сомасына жеңілдетілген несие алды. Қазіргі уақытта негізгі жұмыстары аяқталған, тек тамшылатып суару жүйесін жасау ғана қалған. Тамыз айында қияр отырғызу жұмыстарын бастайды. Жылыжай жылыту жүйесімен жабдықталған. Алғашқы өнімді қараша айында алу жоспарлануда.
 

«Бұл жобаның негізгі мақсаттарының бірі – халықты жыл бойы өз өндірісіндегі азық-түлікпен қамтамасыз ету. Мұндай жылыжайлар көкөністерді сақтау мәселесін күн тәртібінен алып тастауға мүмкіндік береді, бұл маусымаралық кезеңдегі көкөністердің бағасына оң әсер етеді», - деді Ералы Тоғжанов.

Үшқұдық ауылдық округінің тұрғындары «Ауыл аманатымен» 20 жобаны жүзеге асыруда, оның ішінде 4 жылыжай салынды.

Сондай-ақ, облыс әкімі ауылдық округ аумағында кәсібін дөңгелетіп отырған шаруа қожалықтарының тыныс-тіршілігімен танысты.

«Энергия» ШҚ басшысы Ерлан Мұханов биыл егіннен жақсы өнім күтеді.
 

«Егер ауа-райы қолайлы болса, онда біз гектарына кемінде 20-25 центнер астық жинаймыз, сәтсіздік болған жағдайда - гектарына 10-15 центнер, бұл да жақсы нәтиже болмақ», - деді Ерлан Мұханов.

Талғат Құртабаевтың «Ажар+» шаруа қожалығы биылғы жылы 1708 гектар алқапқа бидай, арпа, күнбағыс және басқа да майлы дақылдар еккен. Бұл ретте «Ажар+» өнімді қайта өңдеуді де жолға қойыпты. Бүгінгі таңда қожалыққа қарасты наубайхана жұмыс істейді, онда Үшқұдық тұрғындары үшін күн сайын 150 нан пісіріліп, ыстық күйінде сатылады. Жақын арада 100 бас ірі қара малға арналған сүт-тауарлы фермасы жұмысын бастамақ, онда ешкі сүті де өндіріледі. Талғат Құртабаев ферма құрылысын «Ауыл аманаты» жобасының қаражатын тарта отырып, аяқтауды жоспарлап отыр. Алайда, жобаның шарттары бойынша шаруа қожалықтарын қаржыландыру қарастырылмаған.
Облыс әкімі бұл мәселе қосымша қаралатынына, шаруа қожалығы міндетті түрде әрі қарай даму үшін көмек алатынына сендірді.

Үшқұдық ауылында салынып жатқан ангар үлгісіндегі жаңа спорт кешені қыркүйек айында пайдалануға беріледі. Ералы Тоғжанов «Шаңырақ XXI» ЖШС мердігерлік ұйымының алдына құрылысты жоғары сапада жасап, мерзімінде тапсыру міндетін қойды.

Спорт кешенінде ауыл тұрғындары бокс, күрес, шығыс жекпе-жегімен шұғылданып, жаттығу залында жаттыға алады. Сондай-ақ, мұнда шағын футбол, теннис және волейбол бойынша оқу-жаттығу сабақтарына арналған көпмақсатты спорт залы қарастырылған.

Облыс әкімінің жұмыс сапары Алға ауданындағы қарқынды дамып келе жатқан ауыл – Маржанбұлақта жалғасты.

• 13.07.2023
• 154