ҚҰРМЕТТІ ЖЕРЛЕСТЕР!!!

ШҚО-да барлық талаптарға сай келетін супер халыққа қызмет көрсету орталықтарын салу қажеттілігі біраз уақыттан өзекті болып келеді. Өкінішке орай, "Азаматтарға арналған үкімет" мемлекеттік корпорациясының филиалдары жеткіліксіз бейімделген. Сонымен қатар, оларда адамдарға мемлекеттік қызметтердің 750-ден астам түрі көрсетіледі. Супер ХҚКО-да кез-келген құжатты рәсімдеуге, қызмет түрі мен кеңес алуға болады. Бұл Шығыс Қазақстанның цифрлық әлеуетін одан әрі арттырмақ. Нысанды салу орны біраз талқыға түсті.
"Алтай" КСО жанында құрылыс нұсқасы ұсынылды, бірақ бұл орын объективті себептерге байланысты мүлдем жарамсыз.
Сондықтан мен Өскемен қаласының әкіміне бұл мәселені барынша сараптап, тұрғфндар үшін қолайлы орын табуды тапсырдым.
Сондай-ақ, ел Президенті Қасым-Жомарт Тоқаевтың тапсырмасы бойынша арнайы ХҚКО құрылысы жүргізіліп жатыр. Жақын арада құрылыс нысанына барып, барлық жұмыстар кестеге сәйкес жүргізіліп жатқандығымен танысатын боламын.

• 13.07.2023
• 227