Ермек Маржықпаев Иван Сауэрды мерейтойымен құттықтады

Ақмола облысының әкімі Ермек Маржықпаев "Родина" агрофирма ЖШС-нің бас директоры Иван Сауэрды 65 жылдық мерейтойымен құттықтады.

Өңір басшысы Қазақстан Республикасының Президенті Қасым-Жомарт Тоқаевтың құттықтау сөздерін оқып, мерейтой иесінің бүкіл еңбек өмірбаяны Ақмола облысымен байланысты екенін атап өтті.

«Сіздің өміріңізде үлкен тәжірибе бар. Бүкіл еңбек өмірбаяныңыз біздің аймақпен байланысты. Бригадирден бастап "Агрофирма" Родина" ЖШС-нің бас директорына дейін қызмет етіп, сіз әрқашан кәсібилікпен, еңбекқорлықпен, қол жеткізілген нәтижелерді үнемі жетілдіруге және алдыңызға жаңа, одан да күрделі міндеттер қоюға деген ұмтылыспен ерекшелендіңіз. Өңірдің агроөнеркәсіптік кешенін дамытуға байланысты Сіздің жұмыстағы нәтижелеріңізбен бен орасан зор еңбегіңізді асыра бағалау қиын. Өнімі елдің танымал брендтерінің бірі болып табылатын Родина үлгілі ауыл - жарқын мысал", - деп атап өтті Ермек Маржықпаев.

Айта кетейік, Иван Адамович Сауэр 1958 жылы туған. 1980 жылы Целиноград ауылшаруашылық институтын бітірді. 1987 жылдан бастап қазіргі уақытқа дейін – "Агрофирма «Родина» ЖШС бас директоры. "Достық", "Парасат", "Отан" ордендерімен, "Шапағат" медальдарымен, "Қазақстан Республикасының Тәуелсіздігіне 10 жыл", "Тыңға 50 жыл" мерейтойлық медальдарымен, "Білім беру үздігі" белгісімен, «Білім беру саласындағы меценаттығы үшін» медалімен марапатталған. 2013 жылы ҚР Президентінің  Жарлығымен жоғары дәрежелі ерекшелік – атақ «Қазақстанның Еңбек Ері» (Герой труда Казахстана) берілді.

• 14.07.2023
• 102