Жамбыл облысы Тараз қаласында 5 күндік семинар-тренинг ұйымдастырылуда

2023 жылғы 10-14 шілдеде Жамбыл облысы Тараз қаласында ҚР Ақпарат және қоғамдық даму министрлігімен тәжірибелі шетелдік және қазақстандық тренерлер - саясаттану ғылымдарының докторы, М.В.Ломоносов атындағы ММУ профессоры, ақпараттық арнайы операциялар орталығының жетекшісі, РФ конфликтологтар қауымдастығының президенті Андрей Манойло және израильдік публицист, саяси технолог, қоғам қайраткері, құқық қорғаушы Дэвид Эйдельман, саясаттанушы ҚР Ақпарат және қоғамдық даму министрлігінің Қолданбалы этносаяси зерттеу институтының директоры Талгат Қалиевтың қатысуымен
5 күндік семинар-тренинг ұйымдастырылуда.

Семинар-тренингке қатысушылар жергілікті деңгейдегі этномедиаторларды даярлау және этномедиатор-келіссөз жүргізушілердің пулын қалыптастыру бойынша этносаралық шиеленісті анықтау, этносаралық сипаттағы туындайтын жағдайларға уақытылы ден қою және оларды оқшаулау дағдыларын үйренуде.

Іс-шараға Жамбыл, Түркістан облыстары мен Шымкент қаласының бюджеттік ұйымдары мен азаматтық қоғамның 50-ден астам өкілі қатысуда.

• 14.07.2023
• 172