«Отбасы банктің» қолдауымен кеншілер мен металлургтердің отбасыларына арналған жеңілдетілген ипотеканы беруді жалғастырып жатырмыз

Өткен жылы 134 жұмысшы отбасы өздерінің тұрғын үй жағдайларын жақсартуға мүмкіндік алған еді. Биыл бұл бастамаға «Шұбаркөл көмір» көмір өндіруші компаниясы қосылды.

Бағдарламаны іске асыру үшін облыстық бюджеттен 400 млн теңге бөлінді. Тағы 300 млн теңгені «Отбасы банк» және 400 млн теңгені Еуразиялық Топ (ERG) инвестициялайтын болады.

Жеңілдетілген ипотека бағдарламасы 5 жылға есептелген, ал қарыздың ең жоғары сомасы 20 млн теңгені құрайды. Бағдарлама Қарағандының бастапқы немесе қайталама нарығында пәтер сатып алуға мүмкіндік береді. Аталған бағдарламаның ең маңызды артықшылығы оның жылдық несиелік мөлшерлемесі 5%-ды, ал бастапқы жарнасы 10%-ды құрайды.

Баспанаға мұқтаж қызметкерлердің тізімін «Шұбаркөл көмір» әзірлейді. Жыл соңына дейін кәсіпорынның 60-қа жуық қызметкері жеңілдетілген ипотеканы пайдалана алатын болады.

Бұл орайда «Шұбаркөл көмір» компаниясына олардың осындай әлеуметтік маңызы бар істі қолға алғандары және «Отбасы банкке» ынтымақтастықтары үшін алғысымды білдіргім келеді.

• 16.07.2023
• 189