«Saran» индустриалдық аймағында бес ірі жоба іске асырылуда

«Saran» индустриалдық аймағы көз алдымызда өзгеріп келе жатыр. Мұнда бес ірі жоба іске асырылуда. Олар – шина, «Аrtel» тұрмыс техникасы, ыстық мырыштау, электр дәнекерлеу, болат құбырлары мен мырышталған орамды болат шығару зауыттары. Нәтижесінде, 2,3 мыңнан аса жаңа жұмыс орындары құрылды.

Мәселен, тұрмыс техникасы зауытында қазірдің өзінде жабдықтарды құрастыру басталды. Ірі жабдықтарды құрастыру жұмыстары қыркүйек айының басына жоспарланып отыр. Біздің міндетіміз – зауытқа қажет кадрлармен көмектесу. Алғашқы 15 жұмыскер – қазірдің өзінде Ташкентте тағылымдамадан өтті. Сондай-ақ, жұмысшыларды үйрету үшін Өзбекстаннан мамандар келді. Алғашқы кезекте 100 адам оқытылады және жұмысқа орналасады.

Индустриалдық аймақ пен шина зауытына инфрақұрылым тартудамыз. Тазарту құрылғылары салынып жатыр. Модульдік ғимаратта тиісті техникалық су тазартылатын болады.

Саран қаласының орталық жылыту көзінде бірінші корпустың құрылысын салу мен қазандықты орау жұмыстары аяқталды. Қалған үш қазандық, циклондарды және насос жабдықтарын құрастыру жұмыстары жүргізілуде. Мердігер жылу желілерін үйлерге тартуда және жылыту тораптарын құрастыруда. 310 жылыту бекеттерінің 40-ы жұмысқа дайын. Жылдың соңына дейін 120 үйді орталық жылытумен қамтамасыз ету жоспарланып отыр.

Қала әкіміне құрылыс барысын бақылау, қаладағы қазандықтарды қысқа дайындау, көмір сатып алу мен персоналды жұмысқа алуды қамтамасыз ету міндеті қойылды.

• 24.07.2023
• 203