Нұрлан Ноғаев: Маңғыстау экономикасында туризм индустриясының рөлі тұрақты түрде артып келеді

Нұрлан Ноғаев: Маңғыстау экономикасында туризм индустриясының рөлі тұрақты түрде артып келеді

Өңір басшысы Нұрлан Ноғаев Түпқараған ауданында орналасқан туристік және өнеркәсіптік нысандарды аралады, деп хабарлайды Маңғыстау облысы әкімінің баспасөз қызметі. 

Түпқараған ауданында 40 мыңнан астам адам тұрады. Аудан құрамына 1 Қала, 4 ауыл және 1 ауылдық округ кіреді.

Облыс әкімі алдымен «Алека» ЖШС су тұшыту қондырғыларының жұмыс барысымен танысты. Бұл қондырғы тәулігіне 600-800 текше метр су шығарады. Қазіргі таңда мамандар қондырғының қуатын тәулігіне 1200 текше метрге дейін арттыру бойынша жөндеу жұмыстарын жүргізуде. Жөндеу аяқталған соң Сайын-Шапағатов ауылында тұратын мыңнан астам адам сумен қамтамасыз етіледі.

Сондай-ақ, облыс әкімі Ақшұқыр ауылында орналасқан сыйымдылығы 600 текше метр су тарту құрылғысымен танысты. Бас мердігер «Ер-Хан Құрылыс» ЖШС болып табылады. Жобаның құны 274 миллион теңгені құрайды. 

Сапар одан әрі бассейн, демалыс бөлмелері мен тамақтану орындары бар Aura демалыс базасында жалғасты. Жобаның құны 361 млн теңгені құрайды. Жоба аясында 162 уақытша және 14 тұрақты жұмыс орны құрылған. 

Нұрлан Ноғаев өңірдегі туризмді дамытудың маңыздылығын атап өтті. 

- Жаңа туристік нысандарды құру өңірде туризмді дамытуға серпін болуы тиіс. Біздің аймақ еліміздегі турист ең көп келетін аймақтың бірі. Маңғыстау облысында туризмді дамытуға барлық мүмкіндік бар. Кәсіпкерлерге көрсетілетін қолдау сервисті, келетін туристердің сапалы демалысын қамтамасыз етуі тиіс. Сондай-ақ, демалыс жағажайларында қауіпсіздік ережелерін сақтауға мұқият назар аударған жөн. Жыл басынан бері,  өлім-жітім жағдайлары тіркелді, оның ішінде балалар да бар. Осыған байланысты ата - аналар балаларды назардан тыс қалдырмауы тиіс, ал туристік нысандардың иелері барлық қауіпсіздік шараларын қатаң сақтауы керек, - деді облыс әкімі Нұрлан Ноғаев.

Маңғыстау облысының туризм басқармасы 2023 жылдың соңына дейін екі жобаны іске асыруды жоспарлап отыр. Олар «Гольф-клуб» көпфункционалды қонақ үй-туристік кешені мен «Town centre» көпфункционалды қонақ үй-туристік кешені сауда қатарлары.

• 24.07.2023
• 142