Ақмола компаниялары Ресейдегі халықаралық өнеркәсіп көрмесіне қатысты

Екатеринбург қаласында (Ресей) "ИННОПРОМ" XIII халықаралық өнеркәсіп көрмесі өтті, оған шамамен 25-ке жуық шетел өкілдері, оның ішінде ресми, іскер топтардың делегаттары, дипломаттар, сарапшылар, сауда өкілдері қатысты.

Биылғы іс-шара «Тұрақты өндіріс: жаңару стратегиялары» тақырыбына арналды. Қазақстандық делегацияны Қазақстан Республикасының Премьер-Министрі Әлихан Смайылов басқарды.

Өз кезегінде Ақмола облысы жеті компанияны ұсынды: 3 - экспонент, атап айтқанда: «ТЫНЫС» АҚ, «Макинск жылу оқшаулау зауыты» ЖШС, «Азия сүзгі» ЖШС және 4 қатысушы: «Sky EXPRESS ELEVATOR» ЖШС, «KAZROST Enginering Ltd» ЧК., «КАМАЗ Инжиниринг» АҚ және «CAPITAL INDUSTRY» ЖШС.

Өңірдің өнеркәсіп кәсіпорындары халықаралық компаниялармен 50-ден астам кездесу өткізіп, "ИННОПРОМ" көрмесі аясында шамамен 4 миллиард теңге сомасына өнім жеткізуге шарттарға қол қойды.

• 01.08.2023
• 153