Денсаулық сақтау мәселелері депутаттардың назарында

Ақмола облысының медициналық ұйымдарының жұмысымен Қазақстан Республикасы Парламенті Мәжілісінің депутаты Динара Наумова танысты. Депутат дәрігерлік персоналмен және науқастармен тілдесіп, өңірдің денсаулық сақтау жүйесінің өзекті мәселелеріне тоқталды.

Динара Наумованың алғашқы барған нысаны облыстық көпбейінді балалар ауруханасы жанындағы «Қамқорлық» оңалту орталығы болды. Ол былтыр ғана ашылды. Мекемеде жылына 600-ге жуық балаға медициналық-әлеуметтік және психологиялық-педагогикалық көмек алуға болады. Қазір мұнда тірек-қимыл аппаратының бұзылуы, дамудың туа біткен ауытқуы және жүйке жүйесінің аурулары бар балалар ем қабылдайды.

Айта кетсек, жаңа оңалту орталығы заманауи медициналық көмекке негізделген және жоғары стандарттарға сәйкес келеді. Бұл жүзден астам жаңа медициналық техника мен жабдықтар. Динара Наумова оңалту орталығы жұмысының түйіткілді мәселелеріне тоқталып, өзекті сұрақарға жауап іздеді. Депутаттың айтуынша, олқылықтырдың орнын толдыруға маңызды шешімдер қабылданады.

Әрі қарай Динара Наумова көпсалалы облыстық ауруханаға барды. Ол медициналық мекеменің құрамымен танысып, дәрігерлермен, медициналық қызметкерлермен және пациенттермен әңгімелесті, олар өз кезегінде толғандыратын мәселелері туралы айтты. Халық қалаулысы өңірдің денсаулық сақтау жүйесіндегі өзекті мәселелерді «түртіп алып», Мәжілісте талқыланатына сендірді. Өз кезегінде Динара Наумова медициналық қызметтердің сапасын, медициналық-санитарлық көмектің қолжетімділігін арттыруға және  дәрігердің жағдайын жақсарту бойынша шаралар қабылдауға назар аударды.

«Денсаулық сақтау жүйесінде шешуді қажет ететін белгілі бір мәселелер бар. Әр сәттің өзіндік «нюанстары» мен түйіткілдері жоқ емес. Біз өзекті мәселелерді бақылауға алып, Мәжілісте қарастырамыз. Басқа да бірқатар мәселелер жергілікті мәслихат деңгейінде талдануда", - деп қорытындылады Динара Наумова.

• 01.08.2023
• 102