Ермек Маржықпаев жөндеу жұмыстарының қарқынын тездетуді тапсырды

Ақмола облысының әкімі Ермек Маржықпаев жұмыс сапары аясында Көкшетау қаласының бірқатар әлеуметтік маңызды объектілерін аралады.

Барудың алғашқы объектілерінің бірі – «Оқжетпес» стадионының футбол алаңын жөндеу барысымен танысу.

Ағымдағы жылы ауданы 7 700 м2 футбол алаңының сұйық жылыту жүйесін орнату жоспарланған.

«АстанаСпортСтрой и К» ЖШС қосалқы мердігер ұйымының басшысы Қанат Мұқашевтың ақпараты бойынша қазіргі уақытта дайындық жұмыстары жүргізілуде. Шөптің алғашқы қабаты алынды, одан кейін қиыршық тас төселеді, кейіннен геотексил төселіп, алаңды жылыту үшін құбыр тарту жұмысы басталады.   

Дене шынықтыру және спорт басқармасының басшысы Әсет Бөкебаев атап өткендей, бұл жұмыс Халықаралық федерация мен Қазақстан футбол федерациясының талаптарына сәйкес жүргізілуде.

«Өз алаңында ойын өткізген кезде алаңды жылыту қажет. Жарыс маусымы наурыз айында басталады, ал бізде қыс ұзақ. Алаңды жылыту қардың тез еруіне ықпал етеді. Бұл талаптар барлық солтүстік өңірлер үшін міндетті, сондықтан біз өз алаңымызды ретке келтіріп, сәйкестендіруіміз керек", - деп атап өтті ведомство басшысы.

Облыс басшысы адамдарға бұл жұмыстың не үшін жүргізіліп жатқанын түсіндіруді атап өтті, мердігерлерге жұмыс қарқынын тездетуді және жұмысты көрсетілген мерзімде аяқтауды тапсырды.

Бұдан әрі өңір басшысы М. Жұмабаев атындағы Ақмола облыстық әмбебап ғылыми кітапханасының жөнделуін тексерді. Ғимарат 1971 жылы пайдалануға берілді, жалпы ауданы – 2 997,9 м2. Кітап қоры 337 323 дананы құрайды, оның ішінде мемлекеттік тілде – 86 697. Жөндеу жұмыстары кезінде кітапхана штаттық режимде жұмыс істейді.

«Ел – Құрылыс» ЖШС қосалқы мердігер ұйымының өкілі Бекежан Құрманғожиннің айтуынша, бүгінгі таңда жертөле үй-жайлары жөнделіп, терезелер ауыстырылды, ғимараттың қасбетіне травертин орнатылды, жылыту жүйелерін ауыстыру, іргетас соқыр жерлерін ауыстыру және кіру тобының бағандарын монтаждау жұмыстары жүргізілуде.

«Жұмысты сапалы атқарыңыз, сонымен қатар жұмысты уақытында аяқтап, ақшалай қаражатты игеру қажет», - деп атап өтті облыс әкімі.

Келесі объект – Жанайдар Мусин атындағы Көкшетау жоғары қазақ педагогикалық колледжіне жатақхана құрылысы. Ғимарат бес қабатты, жалпы ауданы – 6 041 м2, құрылыс көлемі – 29 210 м3.

«Бұл жоба екі жылдық. Негізгі жұмыстар аяқталды. Әр қабатта бөлек асхана, дайындық сыныбы, жеке кіреберісі бар, үш және екі адамға арналған бөлмелер қарастырылды. Қазіргі сәтте, әрлеу жұмыстары жүргізілуде, – деп атап өтті мердігер компания – «NAK Construction» ЖШС өкілі. 

Өңір басшысы кестеден артта қалып отырғанын, болашақта ешқандай шағымдар болмас үшін жұмысты нормаларға сәйкес сапалы орындау қажет екенін атап өтті.

• 01.08.2023
• 197