Ақмолалық 50-ден астам оқушы елорданың киелі жерлеріне барды

Ақмола облысы Атбасар, Жарқайың, Жақсы, Есіл аудандарының 57 оқушысы Елорданың «Астана-менің Отанымның астанасы» киелі жерлеріне әлеуметтік турға қатысты.

Іс-шараны Астана қаласының әкімдігі Қазақстан астанасының 25 жылдығын мерекелеу аясында ұйымдастырды. Оған халықтың әлеуметтік осал топтарынан шыққан балалар, 10-14 жас аралығындағы мүмкіндігі шектеулі, ата-анасының қамқорлығынсыз қалған аз қамтылған және көп балалы отбасылардан шыққан, оның ішінде оқуда және спортта ерекшеленген балалар қатысты.

Балаларды Астанамен таныстыру, отансүйгіштікке, Отанға деген құрмет пен сүйіспеншілікке тәрбиелеу, Қазақстанның тарихы мен мәдениеті туралы қосымша білім алу – ұйымдастырушылардың басты мақсаты болды.

Олеся Гончарова Атбасар қаласындағы №3 ЖББМ 7 «а» оқушысы Гончаров Николайдың анасы Астана қаласының әкімдігіне, Ақмола облысының білім басқармасына «Астана – менің Отанымның Елордасы» киелі орындары бойынша әлеуметтік турды тамаша ұйымдастырғаны үшін алғыс айтты.

«Тур барысында балаларға қала бойынша экскурсия ұйымдастырылды. Олар Елордамыздың көрікті жерлері «Бейбітшілік және келісім сарайы», «Қазақ Елі» мемориалдық кешені, «Бәйтерек» монументі, жаңа мешіт, «Тұңғыш Президент» мұражайы, «ҚР Ұлттық мұражайы», «Болашақ энергиясы – «Нұралем» сферасы, Қарулы Күштердің мемлекеттік әскери-тарихи мұражайы, «Атамекен» мұражайына барды,- деп бөлісті Олеся Гончарова. Ең қызығы, балаларға «Есіл» өзенінде кемемен серуендеу көптеген жарқын әсер қалдырды.

Қызықты және танымдық сапардың бағдарламасында бос минут қалмады. Тентек, ізденімпаз балалар экскурсия барысында көкжиектерін кеңейтіп, бір-бірімен өз әсерлерімен және эмоцияларымен бөлісті және көптеген жаңа достар тапты.

• 01.08.2023
• 151