Тәуелсіздік жылдары Ақмола облысында 6 млн. шаршы метрге жуық тұрғын үй пайдалануға берілді

        Тәуелсіздік кезеңінде облыста 54 мыңнан астам отбасы тұрғын үй жағдайын жақсартты. Тек 2020 жылдың 11 айында 505 мың шаршы метр іске қосылды, бұл өткен жылмен салыстырғанда 15 мыңға көп. Биылғы жылдың соңына дейін 570 мың шаршы метр, ал бұл 5 мыңнан астам пәтерді пайдалануға беру жоспарланып отыр.

        Облыста мемлекеттік инвестициялар есебінен 50 көппәтерлі тұрғын үй салынуда, оның ішінде "Нұрлы жер" бағдарламасы бойынша 45 үй, "Жұмыспен қамту жол картасы" бағдарламасы бойынша 4 үй, "Ірі қалалардың шет аймақтарын дамыту" бағдарламасы бойынша 1 үй.

        Қолжетімді тұрғын үй құрылысымен облыстың 14 ауданы, Көкшетау және Степногорск қалалары қамтылған.

        Қазіргі уақытта 6 жалға берілетін үй пайдалануға берілді. Осы жылдың соңына дейін тағы 5 тұрғын үйді пайдалануға беру жоспарланып отыр. Сондай-ақ, 13 несиелік тұрғын үйдің құрылысы жүргізілуде, оның 5-і жыл соңына дейін пайдалануға беріледі.

        Халықтың әлеуметтік осал топтары үшін өңірде 501 жалға берілетін пәтерді бөлу, оның ішінде 186 көп балалы отбасын тұрғын үймен қамтамасыз ету жоспарлануда.

        Облыс тұрғындары "7-20-25" бағдарламасына белсенді атсалысуда. Бүгінгі таңда 950-ге жуық өтінім мақұлданды. "Бақытты отбасы" бағдарламасы бойынша 175 отбасы жеңілдетілген баспанаға ие болды.

• 21.12.2020
• 250