Ақмола облысында мүгедектігі бар адамдар үшін 475 әлеуметтік нысан толығымен бейімделген

Мүгедектігі бар адамдардың заңды құқықтарын қамтамасыз ету шеңберінде Ақмола облысында 667 әлеуметтік инфрақұрылым объектілері бейімделді. Оның ішінде 475 объект ерекше қажеттіліктері бар адамдардың барлық санаттарына толықтай бейімделген.

Бұдан бұрын хабарланғандай, елімізде 2025 жылға дейін Қазақстан Республикасында мүгедектігі адамдардың құқықтарын қамтамасыз ету және өмір сүру сапасын жақсарту жөніндегі ұлттық жоспар, «Аманат» партиясының Жол картасы және және 2021 жылы Мемлекет басшысының тапсырмасы бойынша әзірленген «Кедергісіз келешек» жобасы іске асырылуда.

Жоба аясында ел аумағында бейімделуі тиіс 22 мың басым объект анықталды. 2021 жылдан бастап 2025 жылға дейін жыл сайын осындай талапқа 4400 объект сай келуі қажет. Ал биылғы жылдың 1 шілдесіндегі жағдай бойынша 9 128 объект бейімделді.

Ақмола облысында 5 жыл ішінде мүгедектігі бар адамдардың барлық санаттары үшін 1294 объектіні бейімдеу көзделген. Қазіргі уақытта 2021-2023 жылдар аралығында бейімделуге жоспарланған 776 объектінің 667-інде жергілікті атқарушы органдар бейімдеу шараларын жүргізді.

Еңбекмині Еңбек және әлеуметтік қорғау комитетінің Ақмола облысы бойынша аумақтық департаменті (бұдан әрі – Департамент) жүргізген бақылаудан кейінгі тексерулер барысында жоғарыда аталған объектілердің ішінен 475 объектінің толық бейімделгені расталды.

Мәселен, өңірде мүгедектігі бар адамдардың барлық санаттары үшін қол жетімді:

- мемлекеттік мекемелер – 104 (77 әкімдік, 13 жергілікті атқарушы органдардың басқармалары, 6 басқарма, 1 департамент, 2 аудандық сот, 5 арнаулы әлеуметтік қызмет көрсету орталығы.);

- денсаулық сақтау объектілері – 66 (13 аурухана, 7 емхана, 1 медициналық пункт, 31 дәрігерлік амбулатория, 5 дәрігерлік амбулатория, 9 медициналық пункт);

- білім беру объектілері – 171 (135 мектеп, 13 балабақша, 14 колледж, 2 түзету кабинеті, 2 музыка мектебі, 4 университет ғимараты, 1 оқу-өндірістік комбинаты);

- мәдениет объектілері – 52 (27 мәдениет үйі, 3 мұражай, 2 мұрағат, 4 кітапхана, 1 театр, 1 демалыс орталығы, 12 ауылдық клуб, 2 шығармашылық үйі);

- спорт нысандары – 9 (1 спорт сарайы, 8 спорт мектептері мен кешендері);

- қызмет көрсету саласының басқа объектілері – 73 (10 банк филиалы, 11 халыққа қызмет көрсету орталығы, 5 пошта бөлімшесі, 21 сауда үйі, дүкендер, 9 дәріхана, 1 стоматология, 5 вокзал және т.б.).

192 объект ішінара бейімделген деп танылды, олар бойынша 276 бұзушылық анықталды: есту қабілеті бұзылған адамдар үшін – 36; көру қабілеті бұзылған адамдар үшін – 111; тірек-қимыл аппараты бұзылған адамдар үшін – 42, кресло-арбамен қозғалатын адамдар үшін – 87.

Жергілікті атқарушы органдарға бейімдеу іс-шараларын аяқтау мақсатында анықталған ескертулерді жою бойынша ұсыныстар берілді.

Сондай-ақ, 2023 жылдың соңына дейін тағы 109 объектіні бейімдеу жоспарлануда.

Сонымен қатар, мемлекеттік бақылау аясында Департаментпен әлеуметтік инфрақұрылым нысандарына 32 тексеру жүргізілді, оның ішінде 25 профилактикалық бақылау, өтініш негізінде және тапсырмалардың орындалуын бақылау мақсатында жоспардан тыс 7 тексеру жүргізілді.

Тексерулердің қорытындысы бойынша анықталған бұзушылықтарды жою туралы 25 ұйғарым берілді, 2,4 млн теңгеден астам сомаға 2 әкімшілік айыппұл салынды.

Объектілердің меншік иелеріне профилактикалық бақылау жүргізу кезінде бұзушылықтар алғаш рет анықталған кезде оларды әкімшілік жауапкершілікке тартпай, жою туралы нұсқамалар ғана берілетінін атап өту қажет. Нұсқама белгіленген мерзімде орындалмаған жағдайда айыппұл салынады.

ҚР Еңбек және халықты әлеуметтік қорғау министрлігі

• 01.08.2023
• 200