Ақмола облысында білім беру саласының 24 нысанының құрылысы жүргізілуде

Ақкөл, Аршалы, Біржан Сал, Сандықтау, Целиноград аудандары мен Степногорск және Көкшетау қалаларында 5,6 мың орындық 14 мектеп, 1,2 мың орындық 5 балабақша, 1,2 мың орындық 4 жатақхана салынуда.

Облыс әкімі Ермек Маржықпаевтың төрағалығымен өткен аппараттық кеңесте Мемлекет басшысының мектептердегі оқушы орындарының тапшылығы мәселесін шешу жөніндегі тапсырмасын іске асыру барысы қаралды.

"Президент мектептердегі оқушы орындарының жетіспеушілігі мәселесін шешу қажеттігін бірнеше рет атап өтті. Ол үшін жаңа жүйелі шаралар қабылданып, "Сапалы білім беру" және "Жайлы мектептер" ұлттық жобалары іске қосылды. Облыста оқушы орындарының тапшылығы шамамен 13 мыңды құрайды. Бұл мәселені шешу үшін 14 мектептің құрылысы жүргізілуде", - деді өңір басшысы.

Облыстық құрылыс, сәулет және қала құрылысы басқармасының басшысы Марат Әубәкіровтың айтуынша, 24 білім беру нысаны салынуда.

"Ағымдағы жылы 2,8 мың оқушыға арналған 9 мектептің құрылысын аяқтау жоспарланған. Оның ішінде оқу процесі басталғанға дейін Ақкөл, Аршалы, Целиноград аудандарында және Қосшы және Көкшетау қалаларында 5 мекте, жылдың соңына дейін Аршалы, Целиноград аудандарында және Степногорск және Көкшетау қалаларында 4 мектепті аяқтау жоспарлануда. 2024 жылға ауысатын 2,8 мың орындық 5 мектеп", - деді ведомство басшысы.

Сонымен қатар, жеке инвестициялар есебінен оқу жылы басталғанға дейін Қосшы қаласында 1500 орындық мектепті пайдалануға беру жоспарлануда.

"Жайлы мектептер" ұлттық жобасы аясында 2023-2025 жылдарға 22,6 мың оқушы орнына 18 мектеп салу жоспарланған. Ұлттық жобаны іске асыру шеңберінде бірыңғай оператор "Samruk-Kazyna Construction" АҚ болып табылады.

Биыл 12 мыңнан астам орындық 9 мектептің құрылысын бастау жоспарлануда. Оның ішінде Целиноград ауданында 7 мектеп бар. Және облыс орталығындағы 2 мектеп. 2024-2025 жылдары – Аршалы, Бурабай, Целиноград, Шортанды аудандарында, Қосшы және Көкшетау қалаларында 10,4 мың оқушыға арналған 9 мектеп қарастырылған.

Кеңесті қорытындылай келе, Ермек Маржықпаев білім беру жобаларын іске асыруды ерекше бақылауға алуды, орта білім беру объектілерін уақтылы іске қосуды және инженерлік инфрақұрылымды жайлы мектептерге жеткізу бойынша жобаларды уақтылы әзірлеуді қамтамасыз етуді тапсырды.

• 01.08.2023
• 184