Энергетика министрінің тапсырмасы бойынша Маңғыстау облысының энергия объектілерін алдағы жылыту кезеңіне дайындау жөніндегі үйлестіру штабының көшпелі кеңесі өтті

Бүгін МАЭК-те энергетика вице-министрі Жандос Нұрмағанбетовтің басшылығымен кәсіпорынды алдағы 2023-2024 жж. жылыту маусымына дайындау мәселелері бойынша кеңес өтті.

Энергетикалық кәсіпорында күзгі-қысқы кезеңге дайындық және даму барысы туралы «МАЭК» ЖШС бас директоры Жасұлан Сүйіншалиев баяндама жасады. Ол облыстық бюджеттен және Үкімет резервінен бөлінген қаражат шеңберінде қабылданып жатқан қысқа мерзімді шаралар туралы айтып, энергия комбинатын жаңғырту жөніндегі ұзақ мерзімді перспективалармен таныстырды. Сонымен қатар биыл кәсіпорында жаңа тұщыландыру қондырғыларын салу және жұмыс істеп тұрған тұщыландыру қондырғыларының өнімділігін арттыру бойынша жұмыстар басталғаны атап өтілді.

Сондай-ақ ағымдағы жағдай туралы энергетикалық қадағалау комитеті төрағасының орынбасары Илья Рожков баяндады. Илья Рожков қысқы жүктемелерді көтеруге дайындығына теріс әсер ететін негізгі жабдық бойынша жөндеу жұмыстарының мерзімдерінің сақталмағанын атап өтті.

ЖЭО-ға бару барысында штаб мүшелері жөндеу жұмыстарының барысымен танысты. Орта мерзімді даму жоспарлары және оларды қаржыландыру мәселелері талқыланды. Тұтастай алғанда, оның ішінде инвесторларды тарта отырып, энергия комбинатын дамыту жөніндегі іс-шаралар жоспары дайындалатын болады.

Энергетикалық қадағалау комитетіне әкімдіктің жылу беру кезеңіне дайындық жөніндегі өңірлік жедел штабқа қатысатын жұмыстардың мерзімдерін бақылауды күшейту тапсырылды.

• 04.08.2023
• 212