Сандықтау ауданында "Ақ бидай - 2023" XXXIІV облыстық жазғы спартакиадасы басталды

Ақмола облысының Балкашино ауылында XXXIV жазғы облыстық "Ақ бидай" спартакиадасының финалдық жарысының ашылу салтанаты өтті. Ауқымды іс-шараға облыстың 20 өңірінен мыңнан астам спортшы қатысты.

Облыстық жазғы спартакиада спорттың 8 түрі бойынша өткізіледі: футбол, волейбол, баскетбол, жеңіл атлетика, шахмат, дойбы, үстел теннисі, еркін күрес. Облыстың жекелеген чемпионаттарында спорттың екі түрі бойынша жарыстар өткізілді: жазғы президенттік көпсайыс, туризм.

Ашылу салтанаты бойтұмар - "сілеусін" қуыршағының қатысуымен театрландырылған қойылымнан басталып, аудандар мен қалалардың спорттық делегацияларының шеруімен жалғасты. Спартакиада алауын амрестлингтен әлем чемпионы Дмитрий Тюков жақты, туды армрестлингтен Азия чемпионы Динара Тюкова көтерді.

Өз сөзінде Ақмола облысының әкімі Ермек Маржықпаев бұқаралық спортты дамытудың маңыздылығын атап өтті.

"Мемлекет Басшысы Қасым-Жомарт Кемелұлы Тоқаев өз сөзінде салауатты өмір салтын насихаттау мен қолдаудың, бұқаралық спорттың қолжетімділігінің маңыздылығын ұдайы айтуда.  Біздің өңірде спортты дамыту үшін қажетті жағдайлар жасалуда. Спорттық инфрақұрылымның кеңеюіне байланысты салауатты өмір салтын насихаттайтын адамдар саны жыл сайын артып келеді. Бүгінде облысымыздың әрбір үшінші тұрғыны дене шынықтырумен және спортпен шұғылданады. Өңірде спорттық инфрақұрылым салу бойынша жоспарлы жұмыстар жүргізілуде. Спорт инфрақұрылымын дамытуға жеке кәсіпкерлер де елеулі үлес қосуда", - деп атап өтті өңір басшысы.

Айта кетейік, "Арт спорт" мемлекеттік тапсырыс бағдарламасы аясында 9 мыңға жуық бала тегін спорт секцияларымен қамтылған. Ерейментау қаласында ФОК пайдалануға берілді, Щучинск қаласында спорт сарайы, Есіл қаласы мен Красный Яр ауылында дене шынықтыру-сауықтыру кешендері салынуда. "Ауыл – ел бесігі" жобасы аясында Целиноград ауданында ФОК жұмыс істейді, Бурабай және Жақсы аудандарының Мәдениет ауылдарында спорт нысандары салынуда, Шортанды және Балкашино ауылдарында күрделі жөндеулер жүргізілді. Жеке инвестициялардың арқасында Атбасар ауданы Шуйское және Жақсы ауданы Белағаш ауылдарында спорт кешендері, Сандықтау ауданы Максимовка ауылында хоккей корты және басқалары салынды. Спортшылардың кәсіби спорт саласындағы жетістіктері ерекше атап өтілді.

Облыс әкімі құттықтау сөзінде сандықтаулықтарды ауданның мерейтойымен құттықтады.

"Бүгінгі іс-шара Сандықтау ауданының 95 жылдығын мерекелеу аясында өтіп жатқаны өте маңызды. Ауданның тарихи жолы үшін тоқсан бес жыл - аз уақыт емес. Аудан аумағы, оның экономикалық және әлеуметтік-мәдени дамуы өзгерді. Бірақ халқымыздың кіші отанына деген көзқарасы өзгеріссіз қалды. Сандықтау ауданы сіздердің көпшілігіңіз үшін жай ғана тұрғылықты жер емес. Бұл - әр түрлі тағдырдағы, мінездегі, ұрпақтағы адамдарды тұтастыққа біріктіретін ортақ үй", - деп атап өтті Ермек Маржықпаев.

Іс-шара концерттік бағдарламамен аяқталды.

• 07.08.2023
• 192