Қазақстанда энергия тиімділігі мен газды ұқыпты тұтыну жоспары жария талқылауға шығарылды

ҚР Энергетика министрлігі Ұлттық экономика министрлігімен, «QazaqGaz» ҰК» АҚ-мен бірлесіп 2023-2025 жылдарға арналған энергия тиімділігі мен газды ұқыпты тұтыну жоспарын (Жоспар) әзірледі. Естеріңізге сала кетейік, тиісті тапсырманы Республика Президенті 2023 жылғы 29 наурызда Қазақстан Республикасы Парламентінің сегізінші шақырылымының бірінші сессиясының ашылуында берген болатын.

Әзірленген жоспар:

- газ тасымалдау жүйесіндегі шығындарды оңтайландыру;

- газды есепке алудың бірыңғай жүйесін құру (халықаралық тәжірибені ескере отырып, газ тасымалдау және газ тарату жүйелерін цифрландыру);

- ОЭК тиімділігін арттыру;

- климаттық жағдайларды ескере отырып, әр аймақ үшін халық үшін тауарлық газды тұтыну нормаларын белгілеуді қамтитын негізгі блоктардан тұрады.

Аталған іс-шаралар газ теңгерімінің жалпы мәселесінде қолайлы әсер етеді, атап айтқанда, халық тарапынан да, өнеркәсіптік тұтынушылар мен ОЭК тарапынан да газ тұтыну тәртібін күшейтеді.

Қаулы жобаларын әзірлеу және келісу бойынша қажетті рәсімдерді ескере отырып, «2023-2025 жылдарға арналған энергия тиімділігі және газды ұқыпты тұтыну жоспарын бекіту туралы» Үкімет қаулысының жобасы ағымдағы жылдың 7 тамызында «Ашық НҚА» интернет-порталында жария талқылау үшін жүктелді.

• 07.08.2023
• 207