Ақмола облысында "Ақ бидай" облыстық спартакиадасының жеңімпаздары анықталды

Сандықтау ауданында "Ақ бидай" жазғы облыстық спартакиадасы аяқталды.

Аймақтың 1000-нан астам спортшысы он спорт түрінен өнер көрсетті: футбол, волейбол, баскетбол, жеңіл атлетика, шахмат, дойбы, үстел теннисі, еркін күрес, президенттік көпсайыс, спорттық туризм.

Командалар өздерінің тәлімгерлерінің үмітін ақтап және алғашқы минуттардан бастап байсалды және жеңіске жету үшін күресуге дайын екендіктерін көрсетті.

Жиналған ұпайларды ескере отырып, спартакиаданың қорытындысы айтылды.

Өңір қалалары арасында жалпы есепте бірінші орынды Көкшетау қаласының құрамасы, екінші орынды Степногорск қаласы, үшінші орынды Атбасар қаласы иеленді.

Ақмола облысының аудандары арасында тұғырда бірінші орынды спартакиада иелерінің құрама командасы – Сандықтау ауданы иеленді, күміс жүлдегерлер Есіл ауданының командасы, қола жүлдегерлер – Зеренді ауданының командасы болды.

Жеңімпаздар мен жүлдегерлерге естелік кубоктар мен спорттық жабдықтарды сатып алуға ақшалай сертификаттар табысталды.

• 08.08.2023
• 173