«Халық» қайырымдылық қоры Жаңаөзенде заманауи дене шынықтыру-сауықтыру кешені мен 20 балалар алаңын салуға 1,4 млрд теңге бөледі

2023 жылғы 8 тамызда Маңғыстау облысының әкімдігі мен «Халық» жеке қайырымдылық қоры ынтымақтастық туралы меморандумға қол қойды. Оның аясында Жаңаөзен қаласында жаңа дене шынықтыру-сауықтыру кешені (ФОК) мен жиырма спорттық аула салынатын болады, деп хабарлайды Қоғамдық коммуникация орталығы. 

Ынтымақтастық спортпен шұғылдану мен қатар, қала тұрғындарының белсенді демалысы үшін заманауи және жайлы жағдай жасауға бағытталған.
Жаңаөзен қаласында жаңа ДШСК (ФОК) салу тұрғындардың физикалық дамуына ықпал етіп қана қоймай, жаңа жұмыс орындарын ашуға мүмкіндік бермек. 
Кешеннің құрылысы кезінде 150 уақытша жұмыс орны, ал пайдалануға берілгеннен кейін 50 тұрақты жұмыс орны құрылады.

«Халық» жеке қайырымдылық қоры бұған дейін де Жаңаөзенде спорт инфрақұрылымын дамытуға үлес қосқан болатын. 2022 жылы қор жабдықтармен, воркаут-құралдармен және шағын футбол алаңдарымен жабдықталған 16 балалар ойын алаңдарын салып, коммуналдық меншікке берген еді.

• 08.08.2023
• 166