2023-2024 оқу жылына жоғары және жоғары оқу орнынан кейінгі білімі бар кадрларды даярлауға арналған мемлекеттік білім беру тапсырысы туралы (ЖАО - Ақмола облысы әкімдігінің гранты)

Ақмола облысында 2023-2024 оқу жылына жоғары және жоғары оқу орнынан кейінгі білімі бар кадрларды даярлауға 195 грант мөлшерінде мемлекеттік білім беру тапсырысы қалыптастырылды, оның ішінде: педагогикалық мамандықтарға - 100 грант (бакалавриат);ветеринарияға -5 грант (бакалавриат);  дін және теологияға -5 грант (бакалавриат);  медициналық мамандықтарға - 50 грант (бакалавриат) және 35 грант (резидентура).

Жаңа оқу жылына арналған мемлекеттік білім беру тапсырысы конкурстық негізде келесі жоғары оқу орындарында орналастырылған:

• «Шоқан Уәлиханов атындағы Көкшетау университеті» коммерциялық емес акционерлік қоғамы - педагогикалық ғылымдар, гуманитарлық ғылымдар, денсаулық сақтау
• «Абай Мырзахметов атындағы Көкшетау университеті» мекемесі - педагогикалық ғылымдар
• «А.Байтұрсынов атындағы Қостанай өңірлік университеті» коммерциялық емес акционерлік қо ғамы - педагогикалық ғылымдар, ветеринария
• «Қазақстан-Ресей медицина университеті» MEEBM - денсаулық сақтау
• «Астана медицина университеті» коммерциялық емес акционерлік қоғамы - Денсаулық сақтау
• «Семей медицина университеті» коммерциялық емес акционерлік қоғамы - Денсаулық сақтау

2023 жылдың 10- тамызында аталған ЖОО-да талапкерлерден "бакалавриат" бойынша ЖАО грантына  өтуге өтініштер қабылдау аяқталады. 

ЖАО білім беру грантын беру ҰБТ сертификатының балдары мен арнайы емтихан нәтижесін ескере отырып, конкурстық негізде жүзеге асырылатын болады.

Грантты бөлу  кезінде Қазақстан Республикасы Ғылым және жоғары білім министрінің 2023 жылғы 26-шілдедегі  № 357 «Жоғары білімнің білім беру бағдарламаларын іске асыратын білім беру ұйымдарына оқуға түсу кезінде қабылдау квотасының мөлшерін бекіту туралы" бұйрығымен айқындалған  тұлғаларды  қабылдау квотасының мөлшері ескеріледі.

ЖАО гранты бойынша  ЖОО-ның қабылдау комиссияларына, сонымен қатар «Бакалавриат» бойынша анықтама телефондары:

8 (7162) 903107 - Ақмола облысы білім басқармасының маманы Бикеева Асем Сәлімжанқызы (педагогика ғылымдары, дін және теология, ветеринария  бойынша),

8 (7162) 551198 - Ақмола облысы денсаулық сақтау басқармасының маманы -  Баймағамбетова Динара Жамбылқызы (денсаулық сақтау бойынша) хабарласуға болады.

Мемлекеттік білім  беру тапсырысы бойынша резидентурада оқуға КТ және (немесе) түсу емтиханы бойынша ең жоғары – кемінде 75 балл жинаған тұлғалар конкурстық негізде қабылданады. Резидентураға түсушілердің өтініштерін қабылдауды ЖОО-ның қабылдау комиссиялары жүргізеді.

«Резидентура»  бойынша анықтама  телефоны: 8 (7162) 551198 -   Ақмола облысы денсаулық сақтау басқармасының маманы Баймағамбетова Динара Жамбылқызы.

ЖАО қаражаты есебінен грант негізінде түскен азаматтармен

Ақмола облысының аумағында кемінде 3 жыл жұмыспен өтеу туралы шарт   жасалады.

• 10.08.2023
• 112