Солтүстік Қазақстан облысында бизнесті дамыту мәселелері талқыланды

Өңірге жұмыс сапары барысында Әлібек Қуантыров жергілікті кәсіпкерлермен кездесті. Атап айтқанда, қатысушылар қайта қаржыландырудың базалық мөлшерлемесінің өзгеруі, рубль бағамының үрдісі, инфрақұрылымды жүргізу және т. б. мәселелерді көтерді.

Кәсіпкерлердің сұрақтарына жауап бере отырып, ведомство басшысы қазір инфляция тұрақтанып жатқанын атап өтті. 7 айдың қорытындысы бойынша ол 14% деңгейінде қалыптасып, біртіндеп төмендейді. Жыл соңына дейін 9,5-10% деңгейінде болады деп болжап отырмыз,-деді ол.

«Өкінішке орай, өткен жылы пайыздық мөлшерлемеге, инфляцияға қатты әсер еткен белгілі бір сыртқы жағдайлар болды. Біз жағдайдың тұрақтануын күтеміз. Экономиканың өсуі байқалады. Өндіріс дамып келеді. Мемлекет, соның ішінде Бизнестің жол картасы арқылы көмектеседі. Ағымдағы жылы 260 млрд. теңге қарастырылған. Бұл өткен жылдан 100 млрд.теңгеге артық», - деді министр.

Бұдан әрі ҰЭМ басшысы СҚО бойынша Табиғи монополияларды реттеу департаментінде болды. Онда негізгі жұмыс бағыты, сондай-ақ тарифтік саясат және желілерді үздіксіз қамтамасыз ету және оларға қызмет көрсету үшін инвестиция тарту талқыланды. Министр тариф белгілеу мәселесін тұрақты бақылауда ұстауды, "Тарифті инвестицияға айырбастау" бағдарламасын іске асыруды және халықпен кері байланысты күшейтуді тапсырды.

Сондай-ақ, ведомство басшысы "Даму" қорының өңірлік филиалында болды. Ә.Қуантыров Қордың атқарған жұмысымен танысты.

Өткен жылы Солтүстік Қазақстан облысы бойынша Кәсіпкерлікті дамыту жөніндегі 2021 – 2025 жылдарға арналған ұлттық жоба шеңберінде 44,8 млрд.теңге сомасына 545 жоба субсидияланды. 12,2 млрд. теңге сомасына 444 жобаға кепілдік берілді.

Осында министр азаматтарды жеке қабылдады. Облыс тұрғындары өз мәселелерін шешуге көмек сұрады. Олар жаңа құс фабрикасын іске қосу үшін субсидиялауға және кепілдендіруге қаражат бөлуді, өңдеу өнеркәсібін қолдауды, баға белгілеуге және қоғамдық маңызы бар нарықтарды реттеуді сұрады.

ҰЭМ басшысы мемлекеттік қолдау шаралары туралы егжей-тегжейлі айтып, азаматтар айтқан кейбір ұсыныстар мұқият қаралатынын атап өтті. ҚР ҰЭМ құзыретіне жатпайтын проблемаларға келетін болсақ, олар тиісті мемлекеттік органдарға берілетін болады.

• 16.08.2023
• 110