Маңғыстауда құрылысшылар күнін атап өтті

Абай атындағы мәдени-демалыс кешенінде өңір басшысы Нұрлан Ноғаевтың қатысуымен құрылысшылар күніне арналған салтанатты шара өтті. Мерекелік шара марапаттау рәсімінен басталып, мерекелік концертпен жалғасты, деп хабарлайды Маңғыстау облысы әкімінің баспасөз қызметі. 

2023 жылдың басында Маңғыстау облысының тұрғын үй қорының ағымдағы жағдайы 17,4 млн шаршы метрді құраған, ал әлеуметтік нысандардың ауданы 1,7 млн шаршы метрге жеткен. 

Сонымен қатар, құрылысшылардың күш-жігерінің арқасында әлеуметтік-коммерциялық нысандар бой көтеруде. 

Аймақ басшысы Нұрлан Ноғаев құрылысшыларды кәсіби мерекелерімен құттықтап, облыстың экономикалық дамуына қосқан үлесі үшін алғысын білдірді. 

- Мемлекеттің экономикалық күші оның байлығымен ғана емес, еңбекқор құрылысшылар салған мықты ғимараттарыменде анықталады. Олардың адал еңбектері мен шеберлігінің арқасында қаламызда әсем де биік ғимараттар бой көтеруде. Мемлекет Басшысы Қасым-Жомарт Тоқаевтың тапсырмасы бойынша облыста көптеген әлеуметтік нысандар салынуда, қаланың инфрақұрылымы жаңартылуда. Мәселен, өткен жылдан бастап КЖСА кәсіпорны модульдік- блокты қазандықтардың құрылысын іске асырды. Инженерлік желілерді жаңғырту бойынша алдағы жоспарларды жүзеге асыру халықтың өмір сүру сапасын жақсартуға ықпал ететініне сенімдімін, - деді Нұрлан Ноғаев. 

Салтанатты шара жергілікті әртістердің қатысуымен концерттік бағдарламада аяқталды.

• 21.08.2023
• 105