Ақтауда Ресейдің консулдығын ашу жоспарлануда

Маңғыстау облысының әкімі Нұрлан Ноғаевтың Қазақстан Республикасындағы Ресей Федерациясының Төтенше және Өкілетті Елшісі Алексей Бородавкинмен кездесуінде тараптар маңызды мәселелерді, соның ішінде Ақтауда Ресей Федерациясының консулдық өкілдігін ашу мәселесін талқылады, деп хабарлайды Маңғыстау облысы әкімінің баспасөз қызметі.

Өңір басшысы Нұрлан Ноғаев Маңғыстау еліміздің әлеуметтік-экономикалық дамуына белсенді әсер ететін және теңіз арқылы бес елмен шектесетін Қазақстанның маңызды өңірі екенін атап өтті. 

- Өңірдің экономикалық дамуының негізгі бағыттарына мұнай-газ өнеркәсібі, мұнай сервисі, өңдеу өнеркәсібі, көлік және логистика, агроөнеркәсіптік кешен, туризм және жаңартылатын энергетика жатады. Сондай-ақ, өңірде жаңа кен орындарын барлау және Теңіз кен орындарын игеру жұмыстары жүргізілуде. Ауыл шаруашылығын дамыту түйе шаруашылығын, жылыжай салуды, балық өсіруді және басқа да перспективалы салаларды қамтитын маңызды бағыт болып табылады. Айта кету керек, Ресей Маңғыстау облысының сыртқы сауда қатынастарында маңызды рөл атқарады. Біз сіздің сапарыңыз екі тарап үшін де жемісті және өзара тиімді болады деп сенеміз, - деді Нұрлан Ноғаев. 

2023 жылдың алғашқы алты айында Маңғыстау облысы мен Ресей Федерациясы арасындағы сыртқы сауда айналымы 103,1 миллион долларды құраған, бұл өткен жылдың сәйкес кезеңімен салыстырғанда 8,1% - ға артық. Экспорт 45,9% – ға, ал импорт 3,7% - ға өскен. 

- Маңғыстау облысына жылы шыраймын қабылдағаны үшін шын жүректен алғысымды білдіремін. Біздің халықтар арасындағы тығыз және достық байланыстарға ерекше назар аударылады. Негізгі бағыт өңіраралық ынтымақтастық болып табылады. Біз Маңғыстау облысының осы іс - шараның сәтті өтуіне және елдеріміздің дамуына ықпал ететін жаңа мемарандумдар мен келісімшарттарға қол қоюға қосқан белсенді үлесіне сенімдіміз - деп атап өтті Алексей Борадавкин.

• 22.08.2023
• 147