Дәрігерлер тапшылығы: Маңғыстауда медициналық мамандықтарға 165 жергілікті грант бөлінді

Маңғыстауда медициналық мамандардың тапшылығы шұғыл шешімді талап ететін мәселе. Оны шешу үшін жергілікті бюджеттен медицина саласында жаңа кадрларды тарту және тапшы мамандарды даярлауға 175 білім беру гранты бөлінді. Бұл аймақ басшысы қатысқан аппараттық кеңесте айтылды, деп хабарлайды Маңғыстау облысы әкімінің баспасөз қызметі.

Жалпы 175 гранттың 165-і дәрігерлерге бөлінді. Оның ішінде 97 грант медициналық мамандықтар бойынша интернатураны таңдағандарға, ал 68 грант өткен оқу жылының түлектеріне және медициналық университеттерде соңғы курстағы бакалавриат студенттеріне берілді. Қалған 10 грантты өнер студенттері алды.

Осы гранттарды бөлу арқылы талапкерлерді қолдау аймақтағы медициналық кадрлардың тапшылығын еңсеру үшін маңызды болып табылады. Маңғыстау облысы білім басқармасының басшысы Динара Жұмашеваның айтуынша, интернатураға грант алған 97 медициналық студенттің біразы бір жылдан кейін облысқа оралады. Бұл медициналық мамандардың жетіспеушілігін жеңілдетуге ықпал етпек. 

2018 жылдан бастап Маңғыстау жоғары білімі бар және жоғары оқу орнынан кейінгі білімі бар мамандарды даярлау үшін білім беру гранттарын бөліп келеді. Соңғы бес жылда 1076 білім беру гранты берілген. Олардың көпшілігі медициналық мамандықтарға (651 грант), педагогика ғылымдары (194 грант) және өнер (59 грант) салаларына бөлінген. Өйткені бұл салалардағы кадр жетіспеушілігі өзекті мәселе.

Биылғы жылы жалпы конкурс арқылы бірыңғай ұлттық тестті (ҰБТ) сәтті тапсырған 6535 талапкердің 2661-і мемлекеттік грант алған. Бұл былтыр ҰБТ тапсырған 6408 түлектің көрсеткішінен жоғары, өкен жылы 2015 талапкер грант иелеген болатын. 

2022 жылдан бері Маңғыстау обылысының түлектеріне нысаналы білім беру гранттары да беріліп келеді.  Маңғыстау түлектеріне еліміздің жетекші университеттерінде педагогика, жаратылыстану ғылымдары, инженерия және ақпараттық технологиялар сияқты мамандықтар бойынша нысаналы гранттар бөлінуде. 

- Қазіргі уақытта бізде медициналық мамандар тапшы. Дегенмен, жергілікті бюджеттен қаржыландыруды қоса алғанда, әртүрлі нысаналы гранттар беру арқылы бұл мәселені шешу үшін белсенді жұмыс жүргізудеміз. Өңір жастары еліміздің әртүрлі қалаларында білім алып, қайтып оралғаннан кейін Маңғыстаудың дамуына ықпал етеді. Сондықтан жас мамандарға олардың ештеңеге алаңдамай жұмыс істеуі үшін қолдау көрсету өте маңызды. Оларды қаржылық демеу және тұрғын үймен қамтамасыз ету, әсіресе мансап жолын аудандар мен шалғай ауылдарда бастайтын жас мамандарды қолдау бас ден қоятын дүние. Мемлекет Басшысы Қасым-Жомарт Тоқаев атап өткендей, жастардың біліміне бөлінген қаржы — бұл еліміздің болашағына салынған инвестиция. Халықтың қарқынды өсуі мен оқушылар санының артуы жағдайында білім беруге және жаңа кадрлар даярлауға инвестиция салу Маңғыстаудың тұрақты дамуын қамтамасыз етудің негізгі аспектісіне айналуда, - деп қорытындылады Нұрлан Ноғаев.

• 22.08.2023
• 114