Алты өңірдің құтқарушылары Асқар Забикулинді еске алды

Өрт сөндіру кезінде қаза тапқан батыр Асқар Забикулиннің туған жері – Біржан Сал ауданының Степняк қаласында шағын футболдан турнир өтті, – деп хабарлайды Ақмола облысы ТЖД баспасөз қызметі.

Турнир басталар алдында қатысушылар Астана қаласы ТЖ департаментінің Өрт сөндірушісі Асқар Забикулинді бір минут үнсіздікпен еске алды.

Естеріңізге сала кетейік, Асқар 2022 жылдың 16 қарашасында Астанадағы өртке оранған пәтерлердің бірінен бірнеше адамды өрттен аман алып қалған болатын.

«Ақмола облысы ТЖ департаментінің атынан Біржан сал ауданының тұрғындары мен аудан әкіміне осы жарыстарды батыр Асқардың туған жерінде өткізуге мүмкіндік бергені үшін, ал қатысушыларға шақыруды қабылдап турнирге қатысып жатқандары үшін, бүгінгі спорттық іс-шараға қатысып отырған Асқардың туыстарына, достары мен әріптестеріне үлкен алғысымды білдіремін, – деп атап өтті Департамент бастығы Нұрлан Атығаев.

Жарысқа Астана қаласы, Солтүстік Қазақстан, Қарағанды, Павлодар, Қостанай және Ақмола облыстарының ТЖ департаменттерінің құрама командалары қатысты.

Жарыс қорытындысы бойынша бірінші орынды Қарағандылық құтқарушылар, екінші орынды Павлодар облысының ТЖД және үшінші орынды Ақмолалық құтқарушылар иеленді. Команда жеңімпаздарына марапаттау қағаздары, төсбелгілер және бағалы сыйлықтар табыс етілді.

Ақмола облысы ТЖД баспасөз қызметі

• 22.08.2023
• 176