Ұсынылатын қызметтің сапасын жақсарту - үздіксіз процесс

Мемлекеттік қызметшілерді, әріптестерді және барлық қазақстандықтарды құттықтауға, ең басты байлық – зор денсаулық, отбасыларыңызға бейбітшілік пен амандық және келер жылы жаңа жетістіктерге жетуді тілеуге рұқсат етіңіздер!

Жаңа 2021 жыл қарсаңында көрсетілетін қызметтердің сапасын жақсартуға қосқан қарапайым үлесімізбен бөліскім келеді.

Мемлекеттік қызметтің персоналын басқару ұлттық орталығы оператор ретінде тестілеу рәсімдерін техникалық сүйемелдеу үшін жауапты. Орталықтың барлық облыс орталықтарында және аудандық маңызы бар төрт қалада өз өкілдіктері бар.

2020 жылы біздің орталық жақсарту мақсатында сапаға тікелей немесе жанама әсер ететін барлық бизнес-процестерді талдау бойынша мұқият жұмыс жасады. Талдау бар кемшіліктер мен жасырын тәуекелдерді көрсетті.

Қызмет көрсету мен сапаны жақсарту біз үшін үздіксіз процесс болып табылады. Бұрын біз қабылданған шаралар кешенін егжей-тегжейлі баяндадық. Сондықтан бүгін мен соңғы нәтижелерді ғана атап өтемін.

Біздің клиенттерге ыңғайлы болу үшін орталықтың e-kyzmet.kz сайтында тестілеуден өту үшін бос орындарды іздеу сервисі құрылды.

Аталған қызметті табу үшін келесі қарапайым қадамдарды орындау керек:

• E-kyzmet.kz сайтына кіру қажет;
• Панельдегі басты бетте «ҚЫЗМЕТ» бөлімін шертіңіз;
• «ТЕСТІЛЕУ» бөлімін басыңыз;
• Тізімді қарап шығып, «Тестілеуге бос орындарды іздеу» сервисін табу;
• Ашылған тізімнен сізге қажетті өңірді таңдау керек.

Кесте түрінде тестілеуге кіру үшін күні мен ағыны бойынша орынның болуы туралы қажетті ақпарат ашылады. Ақпарат үнемі жаңартылып, өзектендіріліп отырады.

Қолданыстағы Колл-орталықтан басқа WhatsApp мобильді қосымшасы арқылы + 7 747 724 58 94 нөмірі бойынша чат іске қосылды. Чат арқылы сіз тіркеу мен жұмыс уақытында тестілеуден өтудің барлық мәселелері бойынша жедел көмек алуға болады.

Сонымен қатар, тестілеуді тапсыруға ниет білдірушілердің санының артуына байланысты 20 және 30 желтоқсан аралығында біз үшінші лекті іске қостық. Ақтау, Атырау, Ақтөбе, Алматы, Қарағанды, Қызылорда, Тараз, Түркістан, Шымкент және Орал қалаларында жұмыс күндері сағат 18.30-дан 22.00-ге дейін тест тапсыруға қосымша уақыт бөлінді. Тіркелу egov порталы арқылы сол тәртіптежүргізіледі.

Алдағы жылға арналған жоспарлармен де қысқаша бөлісуге рұқсат етіңіздер.

Тестілеу залдарының операторларымен үлкен жұмыс жүргізіледі. Біз ҚР Мемлекеттік қызмет істері агенттігі қызметкерлерінің қатысуымен Zoom бойынша операторларды оқытуды жоспарлап отырмыз. Сондай-ақ, залдарға қызмет көрсетуді бақылау бойынша менторинг тетігі іске қосылады.

Тестілеу рәсімдерінің ақпараттық қауіпсіздігі жөніндегі шаралар күшейтіледі және тәуекелдерді басқару әдістемесі пысықталатын болады.

Орталық IQyzmet платформасы бойынша жаңа жобаларға және тестілеудің жаңа форматын іске қосуға қатысады. Келесі жылы оларды іске асыру неғұрлым белсенді кезеңге өтеді.

Методология басқармасының қызметкерлері халықаралық тәжірибеге талдау жүргізеді. Қызмет көрсету сапасын бақылау бойынша үздік тәжірибе Орталықта бейімделетін болады.

Бұдан басқа, біз мемлекеттік органдарда бизнес-процестерді автоматтандыру бойынша бірқатар жобаларды іске қосуды жоспарлап отырмыз, олар бизнес-процестердің оңайлатылуына және тиісінше функциялардың қысқаруына әсер етеді.

• 25.12.2020
• 363