Ақмола облысында "Даланың жыр шежіресі" атты жыршы-термеші облыстық байқауы өтті

Зеренді аудандық мәдениет үйінде қазақтың ұлы жырауы, ақын Бұқар жыраудың 355 жылдығына арналған «Даланың жыр шежіресі» облыстық жыршы-термешілер байқауы өтті.

Байқау екі кезеңнен тұрды: іріктеу және қорытынды кезең. Іріктеу кезеңге Атбасар, Ерейментау, Зеренді, Қорғалжын, Целиноград, Ақкөл аудандары мен Қосшы қаласынан 16-40 жас аралығындағы 8 жыршы-термешілер қатысты.

Жүлделі бірінші орынға Дүйсенбай Әлихан Қорғалжын ауданы ие болды. Екінші орынды Айтжан Райымбек Қосшы қаласы, үшінші орынды Тойшин Нұрдәулет Атбасар ауданы. Ерейментау ауданынан келген Есімхан Жасұлан Арнайы жүлде иегері атанды.

Байқау жеңімпаздары мен қатысушылары диплом және бағалы сыйлықтармен марапатталды.

• 25.08.2023
• 132