Ақмола облысында «Адал азамат - Әділетті Қазақстанның тірегі» кездесуі өтті

Қазақстан Республикасының Конституциясы күнін мерекелеу қарсаңында Ақмола облысының әкімі Ермек Маржықпаев облыс жұртшылығының, адам, бала құқықтары жөніндегі уәкілдердің, үкіметтік емес ұйымдардың, ақсақалдар кеңесінің, аналар кеңесінің, сот жүйесінің және басқалардың өкілдерімен кездесті, - деп хабарлайды облыс әкімдігінің баспасөз қызметі.

Кездесуде халықтың құқықтарын қорғау, сондай-ақ саяси реформаларды түсіндіру және азаматтардың құқықтық мәдениеті мен жауапкершілігін арттыру саласындағы жұмыстардың міндеттері мен перспективалары талқыланды.

Іс-шараны аша отырып, өңір басшысы барлық қатысушыларды келе жатқан мерекемен құттықтап, еліміздің дамуына күн сайын өз үлесін қосатын барлық ақмолалықтарға алғысын білдірді.

«Бір жыл бұрын біз Конституцияға енгізілген түзетулер бойынша елдің болашағына ауқымды және елеулі өзгерістер енгізген, сондай-ақ «Әділ Қазақстанды» құрудың берік іргетас құрған жалпыұлттық референдумның куәсі және қатысушылары болдық. Біздің Конституцияның маңыздылығын, елдің Негізгі заңында белгіленген қасиетті құндылықтарды түсінуіміз, өзінің конституциялық құқықтарын білуіміз, конституциялық міндеттерді құрметтеуіміз және орындауымыз, мемлекетті одан әрі нығайтуға өз үлесімізді қосуымыз маңызды", - деп атап өтті Ермек Маржықпаев.

Кездесу барысында адам құқықтары жөніндегі уәкіл Динара Тәженова ақмолалықтардың құқықтарын қорғау туралы сөз сөйледі, Балалардың құқықтарын қорғау бойынша жүргізіліп жатқан жұмыстар туралы әсем Асайынова хабарлады. Сондай-ақ, қоғам қайраткерлері Ғалым Байтұқ, Василий Шиманский, Сергей Цырульников, Ирина Катухова, Құралай Жұмабекова өз пікірлерімен бөлісті.

«Біздің облыс бүкіл ел үшін үлгі бола алады. Бізде республикада жоқ әлеуметтік осал санаттағы азаматтардың құқықтары бойынша әкімдер кеңесшілерінің институты құрылды. Мұның дәлелі 100% Инклюзивті ортаны қамтамасыз ету және спортпен шұғылдану үшін жағдай жасау болып табылады. Жарқын мысалдардың бірі: екі дүркін әлем чемпионы – Давид Дегтярев", - деп атап өтті облыс әкімінің Ақмола облысындағы әлеуметтік осал санаттағы азаматтардың құқықтары жөніндегі штаттан тыс кеңесшісі Василий Шиманский.

Кездесу соңында қоғамдық-саяси және мәдени өмірге, сондай-ақ қазақстандық бірегейлікті, қоғамдық келісімді нығайтуға белсенді қатысатын бірқатар ақмолалықтар алғыс хаттармен және сыйлықтармен марапатталды.

Олардың қатарында, өрттің жақын үй-жайлар мен көрші пәтерлерге таралуына жол бермеген Төтенше жағдайлар департаменті «ӨС және АҚЖ» ММ ӨСБҚ-2 аға инженері Талғат Мақышев бар.

Сондай-ақ, «Еңбек жолы» өңірлік байқауының жеңімпаздары дипломдармен және естелік сыйлықтармен  марапатталды.

• 29.08.2023
• 149