Ақмола облысына көмір жеткізу жоспар бойынша жүргізілуде

Өңірлік коммуникациялар қызметінің алаңында өткен брифинг барысында Ақмола облысының энергетика және ТКШ басқармасының басшысы Данияр Қуанышбаев Ақмола облысына көмір жеткізу туралы айтып берді.

«Коммуналдық-тұрмыстық қажеттілікке көмірдің қажеттілігі 530 мың тоннаны құрайды, 112 мың тонна көмір жеткізілді, яғни 2 айлық қажеттіліктің 84%. Халық үшін шамамен 1 млн. тонна қажет, 190 мың тонна немесе жалпы қажеттіліктің 19% жеткізілді. «Жеткізу қажеттілік жоспарына сәйкес жүргізіледі», —деді спикер.

Облыста көмірді сатуды 56 пункт жүзеге асырады. Жеткізу көлемін ұлғайту мақсатында өңірлік операторлар тізбесіне 16 өңірден 64 өнім беруші енгізілді. Көмірдің орташа бағасы тоннасына 15 850 теңгені құрайды. Өткен жылмен салыстырғанда ол 20-25%-ға өсті.

«Құнның өсуі, ең алдымен, тілмелердегі көмір құнының өсуіне және теміржол тарифтерінің өсуіне байланысты. Біз халықтың және коммуналдық-тұрмыстық сектордың көмірді алдын ала сатып алуы бойынша медиа жоспар әзірледік, ақпараттық-түсіндіру жұмыстары жүргізілуде», - деп түсіндірді спикер.

Биылғы жылы жылу беру маусымына дайындыққа 27,6 млрд.теңге бөлінді, оның ішінде инвестициялық жобаларды іске асыруға, жөндеу науқанына және энергия ресурстарын сатып алуға. Бүгінгі таңда 959 қазандық, 690 білім беру нысаны, 506 денсаулық сақтау нысаны және 2415 тұрғын үй жөнделді. Сондай-ақ 23 км жылумен жабдықтау желілеріне ағымдағы жөндеу, 13 км желілерге күрделі жөндеу, 3 км желілерді қайта жаңарту жүргізілді.

Сонымен қатар, Мемлекет басшысының тапсырмасы бойынша жылумен жабдықтау объектілерін техникалық тексеру жұмыстары жүргізілуде. Осы жұмыстың нәтижелері бойынша жөндеуді қажет ететін учаскелер айқындалатын болады. Олар алдағы 2-3 жылға арналған перспективамен кезең-кезеңмен бөлінетін болады.

«Жалпы, алдағы жылу беру маусымына дайындықты жоспарланған іс-шараларға сәйкес және белгіленген мерзімде аяқтаймыз, бұл мәселе ерекше бақылауда», - деп қорытындылады Данияр Қуанышбаев.

• 29.08.2023
• 193