«Бірлік» атты халықаралық жастар лагері өтті

Алматы облысы Жамбыл ауданында Қазақстан халқы Ассамблеясының «Бірлік» халықаралық жастар лагері өтті.

Аталған жобаны ҚР Ақпарат және қоғамдық даму министрлігі ұйымдастырды. 
Іс-шараға Қазақстанның барлық өңірлерінен қазақ тілін жетік меңгерген жас қазақстандықтар, сондай-ақ Ресей, Қытай, Моңғолия, Өзбекстан, Қырғызстаннан келген қазақ жастары, еліміздің қоғам және мемлекет белсенділері, Қазақстан халқы Ассамблеясының мүшелері және Ассамблеяның жастары бірлестіктерінің өкілдері қатысты.

Жоба барысында «Этносаралық қатынастар саласындағы жобаларды имидждік ілгерілету, әлеуметтік желілердегі жастар», «Жастар ұйымдарымен өзара іс-қимылда өңірлік жұмысты дамыту» және т.б. тақырыптарында отырыстар, сондай-ақ, ЮНЕСКО-мен өзара іс-қимыл бойынша жеке алаң өтті.

Өз сөзінде ҚР АҚДМ Этносаралық қатынастарды дамыту комитетінің төрағасы Ғалым Шойкин еліміздегі бейбітшілік пен бірлікті нығайту қажеттілігі және Қазақстан халқы Ассамблеясының осы міндетті орындаудағы рөлінің маңыздылығы туралы ерекше атап өтті.

Кездесу барысында Қазақстан халқы Ассамблеясының басқа да мүшелері де сөз сөйледі. Олар жастарға жеке тәжірибелері мен жетістікке жету жолдарымен бөлісіп, өзекті жобалармен таныстырып өтті. Сонымен қатар, жастар «Алға Петербург» каналының блогері Иван Червинскиймен кездесті.

• 01.09.2023
• 180