Ақтауда Пусан-Қазақстан логистикалық форумы өтті

Ақтауда корей делегациясының жұмыс сапары аясында Пусанның Экономикалық даму агенттігінің (BEPA) төрағалығымен ҚР Сыртқы істер министрлігі мен Пусан қаласындағы ҚР Бас консулдығының қолдауымен Пусан-Қазақстан логистикалық форумы өтті. Іс-шараға екі елдің мемлекеттік органдары мен бизнес-қоғамдастықтарының өкілдері қатысты, деп хабарлайды Маңғыстау облысы әкімінің баспасөз қызметі. 

Корей делегациясы сапарының мақсаты-Кореядан Еуропа елдеріне көлік маршруттарын ұйымдастыру және дамыту үшін Маңғыстау облысының көліктік-логистикалық әлеуетімен танысу.

Делегация қатысушыларының арасында Sinokor Merchant Marine, Unico Logistics, All the Best Logistics және JungGin Customs Service жетекші көлік-логистикалық компанияларының өкілдері болды.

Іс-шара барысында Корей тарапы Пусан мен Орталық Азия өңірлері, соның ішінде Маңғыстау облысы арасындағы көліктік-логистикалық әлеуетті дамытуға дайын екендігін атап өтті. 

Пусанның Экономикалық даму агенттігінің басшысы Жан Янг Хен халықаралық жағдайдың өзгеруі бүкіл әлем үшін көлік бағыттарын әртараптандырудың өзектілігін арттыратынын атап өтті.

Өз кезегінде, қазақстандық тарап аталған іс-шараны өткізудің маңыздылығын атап, Қазақстанның Құрлық бағытын дамыту перспективалары туралы айтып берді.   

Маңғыстау облысы әкімінің бірінші орынбасары Жұмабай Қарағаев соңғы  бес жылда өңірге 4 млрд доллардан астам тікелей шетелдік инвестиция тартылғанын атап өтті. Маңғыстау облысы мен Оңтүстік Корея арасындағы тауар айналымы 2023 жылдың бірінші жартыжылдығында 5 млн долларға дейін ұлғайған.

-Қасым-Жомарт Тоқаев өз сөзінде бірнеше рет атап өткендей, инвестиция тарту-Қазақстанның дамуының негізгі факторы. Біздің өңірде және елде инвестициялық ахуалды жақсартуға назар аудару басымдық болып қала береді. Пусан қаласы экономиканы дамыту агенттігінің президенті Жан Янг Хенге және делегацияға облысымызға келгені үшін алғысымды білдіремін. Біз болашақта нәтижелі және өзара тиімді екіжақты ынтымақтастыққа үміттенеміз. Сондай-ақ, өз тәжірибесімен бөлісуге уақыт тапқан, дөңгелек үстелдің барлық қатысушыларына алғысымды білдіремін, - деп атап өтті Жұмабай Қарағаев. 

Іс-шара соңында компаниялар арасында тәжірибе алмау үшін сұрақ-жауап сессиясы өтті. Сонымен қатар, мұндай кездесуді Қазақстандағы бірлескен көліктік-логистикалық жобаларды талқылау үшін тұрақты платформаға айналдыру жоспары ұсынылды. 

Делегация сондай-ақ "Ақтау теңіз порты" АЭА инвестициялық мүмкіндіктерімен және Ақтау теңіз сауда портының қуаттымен танысты.

• 01.09.2023
• 181