Целиноград ауданында оқу жылының бірінші күні жаңа мектеп оқушыларға есігін айқара ашты

1 қыркүйек күні салтанатты түрде Целиноград ауданы Өтеміс ауылында мемлекеттік тілде оқытатын жаңа мектептің ашылуы өтті.

Бұл ауыл тұрғындары үшін көптен күткен жайт, өйткені бүгінгі күнге дейін балалар Ақмол ауылының жалпы білім беретін мектебіне білім алды.

120 орындық екі қабатты оқу орнын «Еңбек» ШЖҚ РМК компаниясы тұрғызды. Құрылысқа бюджеттен 1,1 млрд. теңге бөлінді.

Әлеуметтік нысанды салтанатты тапсыруға ауданның бірінші басшылары келді.

Аудан әкімі Бахыдбек Оспанбеков балалар мен педагогтарды құттықтады.

«Бүгін балалар, барлық педагогикалық ұжым, ата-аналар мен Өтеміс ауылының тұрғындары үшін айтулы мереке. Жаңа мектепте оқуға барлық жағдай жасалған. Бұл жай ғана мектеп емес, жаңа білім беру, спорттық, мәдени кеңістік. Әрине, бұл мектеп бүкіл ауыл үшін тартымдылық орталығы болады.

Аудан басшысы барлық мұғалімдерге еңбектері үшін алғысын білдіріп, жер бетіндегі ең маңызды мамандықтардың бірі - педагог екенін атап өтті. Сіздердің еңбектеріңіз - әр оқушының өз мақсаттарына жетудегі қадамы. Сіздердің кәсібиліктеріңіздің, даналықтарыңыз бен шыдамдылыктарыңыздың арқасында - жарқын ел болашағы, ал ол өз кезегінде ақылды, мақсатты да лайықты ұрпақ».

Мектеп барлық заманауи талаптарды ескере отырып салынған. Ыңғайлы оқу үшін барлық жағдайлар жасалған. 11 пәндік кабинет, асхана, спортзал, акт залы, медициналық кабинет.

Сонымен қатар, ғимарат ауыз сумен, электр қуатымен қамтамасыз етілген, ал жеке қазандық жылуды қамтамасыз етеді. Сабақтан тыс уақытта мектепте қызығушылық үйірмелерінде сабақтар ұйымдастырылады, аулада жылыжай мен спорт алаңдары жабдықталады.

Келесі жылы Целиноград ауданында Жаңажол және Шұбар ауылдарында тағы екі мектепті пайдалануға беру жоспарлануда. Сонымен қатар, «Жайлы мектептер» ұлттық жобасын іске асыру аясында жеті мектептің құрылысы жүргізілуде.

Айта кетсек, бүгін Целиноград ауданында 19 мыңнан астам бала оқуға кіріссе, оның 3 мыңға жуығы – бірінші сынып оқушылары мектеп табалдырығын аттауда.

• 04.09.2023
• 138