Жаңа шағын ауданда жаңа мектеп

Бүгін, Көкшетау қаласының «Құлагер» шағын ауданында 312 оқушы орнына арналған жаңа мектеп ашылды. Жаңа оқу жылында барлығы 538 оқушы білім алатын болады. «Мектебім-мейірім мекені» салтанатты іс-шараға Көкшетау қаласының әкімі Бауыржан Ғайса, қалалық мәслихаттың төрағасы Дастан Әкімов, педагогикалық еңбектің ардагері Күләш Хаджанқызы Темірбаева және ата-аналар қауымдастығының өкілі Сәрсенбай Сердалин қатысты. 

Қала әкімі және басқа да сөз сөйлегендер көкшетаулықтарды Білім күнімен және №9 мектептің ашылуымен құттықтады, оқушыларға жаңа оқу жылында табыс тіледі. Сондай-ақ, білім беру мекемесіне облыс орталығы әкімінің атынан домбыра сыйға тартылды. 

Қонақтарға экскурсия ұйымдастырылды. Жалпы білім беретін мекемеде 45 пән кабинеті, спорт залы, асхана, медициналық кабинет және шағын орталық бар. 

Бүгін, облыста жаңадан 5 мектептің салтанатты ашылуы болғанын естеріңізге саламыз, ал жыл соңына дейін тағы 8 білім беру мекемесін пайдалануға беру жоспарлануда.

• 04.09.2023
• 151