Ел азаматтары «Халық алғысы» медалімен марапатталды

Бүгін облыс әкімі Серікай Трұмов әлемдік деңгейде жарияланған пандемия кезінде ел жанынан табылып, көмек қолын созған, атымтай жомарт азаматтарды қабылдап, білім беру, денсаулық сақтау, әлеуметтік қорғау салаларындағы, сондай-ақ пандемияға қарсы күрестегі қажырлы еңбегі үшін Қазақстан Республикасы Президентінің «Халық алғысы» медалімен марапаттады. Олар: «Маңғыстаумұнайгаз» АҚ бас директорының бірінші орынбасары Ізмұханов Қалбай Әжімбайұлы, «СМК-4» ЖШС директоры Мұсабаев Самат Базарбайұлы. «Ақ жол Құрылыс» ЖШС бас директоры Жолдыбаев Асылбек Тұрарұлы, «Айком» ЖШС директоры Бимырзаев Иса Ибрайымұлы, «Альянс ЛТД» ЖШС иректоры Керелбаев Асқарбек Сайынұлы, «ForteBank» АҚ облыстық филиалының директоры Өрісбаев Абат Жәңгірханұлы, «Ақтау НШ» ЖШС директоры Күншығаров Нұрбек Шауқарбайұлы, «Алтын Құрық» ЖШС директоры Әбдірахман Дидар Қуанышбекұлы, Жеке кәсіпкер, еңбек ардагері Косимова Науша, Облыстық ішкі саясат басқармасының бөлім басшысы Қуанышбеков Батырхан Кенжеғалиұлы, облыс әкімі аппаратының бас инспекторы Мұрынбаев Еламан Ербекұлы марапатталды.

«Қазіргі таңда, індеттің таралуына жол бермеу үшін Маңғыстау облысында көптеген жұмыстар атқарылды. Өңірдің медицина саласының материалды-техникалық жағдайы жақсартылды. Дәрігерлерді қолдау шаралары күшейтілді. Демеушілердің қолдауымен де қыруар игі істер атқарылғанын атап өткен жөн.Алайда, індет толығымен жойылып кеткен жоқ және халықтың денсаулығына әлі де қауіп бар. Сондықтан, күнделікті өмірде сақтық шараларын ұстанғанымыз жөн. Халыққа осы бағытта әлі де түсінік жұмыстарын жасауымыз қажет. Өзіміздің аман-саулығымызға, ең алдымен, өзіміз жауапты болуымыз керек және оны әрбір азамат жауапкершілікпен сезінуі тиіс. Осы орайда, елдік істердің басы-қасында жүріп, қолдау көрсеткен, елдің амандығы үшін атсалыққан өздеріңіздей азаматтарға зор Алғысымды білдіремін. Еңбектеріңізге табыс, береке тілеймін. Абыройларыңыз арта берсін! »-деді облыс әкімі.
Сонымен қатар жиында, Маңғыстау облысының әлеуметтік-экономикалық дамуына қосқан үлесі үшін «Aktau Tourism City LTD» компаниясының директоры Исагалиев Серік Берікұлы және «Aktau Tourism City LTD» жеке компаниясы филиалының бас менеджері Жаримбетов Махмут Айтжанұлы Маңғыстау облысының Құрмет Грамотасымен марапатталды.
 

• 29.12.2020
• 302