«Қазақстан Республикасы Үкіметі мен Өзбекстан Республикасының Үкіметі арасындағы энергия ресурстарын қазақстан-өзбек кедендік шекарасы арқылы құбыр көлігімен және электр беру желілері арқылы өткізу кезінде бірлескен кедендік бақылау туралы келісімді ратификациялау туралы» Қазақстан Республикасының Заң жобасы туралы

Бүгін Премьер-Министрдің орынбасары - Қаржы министрі Ерұлан Жамаубаев Мәжілісте 2021 жылғы 6 желтоқсандағы Қазақстан мен Өзбекстан арасындағы Қазақстан-Өзбекстан кедендік шекарасы арқылы құбыржол көлігімен және электр беру желілері бойынша энергия ресурстарын өткізу кезіндегі бірлескен кедендік бақылау туралы келісімді ратификациялау туралы Заң жобасын ұсынды.

Өз сөзінде ол Тараптардың кедендік бақылау саласындағы кеңейтілген ынтымақтастығы шеңберінде есепке алу аспаптарынан көрсеткіштерді алу, салынған кедендік сәйкестендіру құралдарының тұтастығын тексеру жөніндегі ай сайынғы іс-шаралардың есебін жүргізу, сондай-ақ кедендік декларациялау және энерго ресурстармен кедендік бақылау мәселелеріндегі өз қызметінің тәжірибесі туралы, мемлекеттердің ұлттық заңнамасын бұзушылықтарды анықтау және жолын кесу фактілері мен тәсілдері туралы ақпарат алмасу ескерілгенін атап өтті.

Сөз соңында Ерұлан Жамаубаев аталған Келісімді ратификациялау еліміз үшін әлеуметтік-экономикалық және құқықтық салдарға әкеп соқпайтынын және республикалық бюджеттен қосымша қаражат бөлуді талап етпейтінін мәлімдеді.

• 06.09.2023
• 244