Ақмола облысында «Ауыл мектебі» жаңа білім беру жобасы басталды

Ақмола облысында педагогикалық практиканы жақсарту, материалдық-техникалық базаны жетілдіру және цифрлық ресурстардың қолжетімділігі арқылы ауыл мектептеріндегі білім сапасын арттыруға бағытталған «Ауыл мектебі» жаңа білім беру жобасы басталды.

Жобаның бастамашылары «Aitas» холдингінің басқарушы компаниясы болып табылады, оның құрамына өсімдік шаруашылығы, құс етін өндіру және қайта өңдеу, дистрибуция саласындағы 11 кәсіпорын кіреді, олардың арасында - Макинск құс фабрикасы және «Назарбаев Зияткерлік мектептері» дербес білім беру ұйымы.

Бүгін осы жоба аясында Бұланды ауданының Макинск қаласындағы мектеп-гимназиясына информатика, робототехника, ер балаларға арналған инженерия кабинеттері мен қыздарға арналған еңбек кабинеттері үшін жабдықтар мен техника әкелінді.

Холдинг өкілі Данияр Тоқтаровтың айтуынша, жобаның негізгі міндеті – қалалық және ауылдық мектептер арасындағы білім беру сапасының алшақтығын азайту, білім беру сапасын арттыру. Жобаға 4 мектеп қатысады: Макинск МГ және ШҚО 3 мектеп.

Назарбаев Зияткерлік мектебі мен педагогикалық шеберлік орталығының мамандары сәуір айынан бастап осы мектептердің мұғалімдері үшін онлайн оқыту жүргізеді.

Айта кетейік, жобаға сәйкес материалдық-техникалық базаны жақсарту бірнеше жыл бойы жүзеге асырылатын болады. Биылғы жылы мектептердің диагностикасы, кабинеттерді жарақтандыру (информатика, робототехника, ұлдарға арналған инженерия және қыздарға арналған еңбек кабинеті), құрылымдалған кабельдік желі және БЖ, мұғалімдердің біліктілігін арттыру, мектеп кеңістігін ұйымдастыру жүргізіледі. Келесі екі жылда химия, физика, биология, музыка, жаратылыстану кабинеттерін, спорт және акт залдары мен бастауыш, негізгі және жоғары мектеп кабинеттерін жабдықтау жоспарлануда.

• 30.12.2020
• 299