Энергетика министрі Қарағанды облысының тұрғындарын энергетикалық нысандардың алдағы жылыту маусымына дайындығы туралы хабардар етті

Бейсенбі күні Теміртау қаласында Қазақстанның энергетика министрі Алмасадам Сәтқалиев Қарағанды облысының тұрғындарымен кездесу өткізді. Кездесу барысында министр энергетикалық нысандардың жылыту маусымына дайындығы, өңірді газдандыру, жаңартылатын энергия көздерін дамыту, ауыл шаруашылығы тауарын өндірушілерге дизель отынын жеткізу мәселелеріне қатысты жоспарларымен бөлісіп, тұрғындар тарапынан қойылған сауалдардарға жауап берді.

Облысты жылумен  қамтамасыз ететін ірі нысандар: ЖЭО-3 және ЖЭО-2. Олардың қоса есептегендегі қуаты –2400 Гкал/сағ көлеміндегі энергияны құрайды, ал нысандардың  орташа тозуы – ЖЭО-3-де 66%-ға, ЖЭО-2-де 79,7% -ға жеткен.

Қарағанды облысында алдағы жылыту маусымына дайындық науқаны штаттық режимде өтуде. Биылғы жылы ЖЭО-2-де №4 қазандық агрегатына күрделі жөндеу және №5 қазандық агрегатына кеңейтілген жөндеу жұмыстары жүргізілуде. Сондай-ақ, №3 турбоагрегатты толықтай жөндеу жоспарланған.

2023 жылы Жылу-энергетикалық орталық-бу-үрлеу станциясында (ЖЭО-ПВС)  №4 және №2 қазандық агрегаттарына тиісті жөндеу жұмыстары жүргізілуде. Сондай-ақ, Шахтинск ЖЭО-да қазандық агрегаты жөнделіп жатыр.  

Энергетика министрлігінің басшысы сондай-ақ тұрғындарды жаңартылатын энергия көздері технологиясын қолдану арқылы, өңірдегі энергия өндірісін дамыту туралы хабардар етті.

Қазіргі уақытта Қарағанды облысында жалпы қуаттылығы 267,6 МВт құрайтын 7 ЖЭК нысандары бар. Оның ішінде қуаттылығы 266 МВт құрайтын  –5 күн электр станциясы және қуаттылығы 1 МВт  болатын –1 биоэлектростанция және 0,6 МВт қуаттылықтағы гидроэлектростанция бар.

Министр күзгі дала жұмыстарын жүргізу үшін ауыл шаруашылығы тауарын өндірушілерді дизель отынымен қамтамасыз ету туралы айта келе, Қарағанды облысында осы мақсаттарға 20,7 мың тонна дизель отыны көзделгенін хабарлады. 2 айда дизель отыны көлемінің 33%-ы жеткізілген.

Қарағанды облысын газдандыру бойынша 76 млрд теңге көлеміндегі қаржыға 24 іске қосу кешенін орнату көзделеді. Оның ішінде құны 65,2 млрд теңге қаржыны құрайтын 16 іске қосу кешенін орнату арқылы Қарағандыны газдандыру жоспарланған (29 528 үйге газ жеткізу; Теміртау қаласын газдандыру үшін құны 10,8 млрд теңге қаржыға (9 128 үй) 8 іске қосу кешенін салу көзделуде).

Сондай-ақ, республикалық бюджеттен 2023 жылға Қарағанды облысы үшін Қарағанды және Теміртау қалаларына дейін газ желілерін салу бойынша жоспарланған 3 жобаны жүзеге асыру мақсатында 5,9 млрд теңге көлемінде қаражат көзделген.

• 07.09.2023
• 162